ضلع کولگام کے 2سگے بھائیوں کی پُراسرار ہلاکت اورمظاہرین پرلاٹھی چارج کیخلاف اسمبلی میں ہنگامہ آرائی

فوری تحقیقات اور کارروائی کا مطالبہ
 حکمران جماعت نیشنل کانفرنس کے کئی ارکان نے کی اسپیکر کے چیمبر میں داخل ہونے کی کوشش کی، مارشلوں روکا
 وزیر اعلیٰ یہاں بیٹھے ہیں،انہوںنے سب سنا، وہ اس کا جائزہ لیکر کارروائی کو یقینی بنائیں گے:اسپیکر کی یقین دہانی
سری نگر / جموں وکشمیرکی قانون ساز اسمبلی میں پیرکو اسوقت شدید ہنگامہ آرائی ہوئی ،جب حکمران جماعت نیشنل کانفرنس ،اتحادی جماعت کانگریس اور اپوزیشن جماعت پی ڈی پی کے کئی ارکان اسمبلی نے جنوبی کشمیرکے کولگام ضلع میں 2بھائیوں کی ہلاکت اوراس پر احتجاج کرنے والے مظاہرین کیساتھ پولیس کی مبینہ زیادتی کا معاملہ اٹھایا گیا۔ اتوار کو قاضی گنڈ میں لاپتہ نوجوان کی لاش ملنے کے بعد اہل خانہ نے احتجاج کیا، تاہم پولیس نے انہیں منتشر کرنے کےلئے لاٹھی چارج کیا، جس میں خواتین کوبھی مبینہ طور پر بھی نشانہ بنایا گیا۔ ہنگامے کے دوران نیشنل کانفرنس کے ارکان اسمبلی جاوید چودھری، میاں مہر علی، جاوید مرچال اور ظفر علی نے اسمبلی اسپیکر کے چیمبر میں داخل ہونے کی کوشش کی، لیکن مارشلز نے انہیں روک دیا۔اسپیکر عبدالرحیم راتھر نے کہاکہ وزیر اعلیٰ یہاں بیٹھے ہیں۔ انہوں نے آپ کا مسئلہ سنا ہے۔ وہ اس کا جائزہ لےں گے اور کارروائی کو یقینی بنائیں گے۔جے کے این ایس کے مطابق پی ڈی پی اور نیشنل کانفرنس کے ارکان نے پیر کو جموں و کشمیر اسمبلی میں2بھائیوں کی موت کا مسئلہ اٹھایا، جو پچھلے مہینے سے لاپتہ3قبائلی نوجوانوں میں شامل تھے اور اعلیٰ سطحی تحقیقات کا مطالبہ کیا۔18سالہ شوکت احمد بجاڈ، ان کے بھائی25سالہ ریاض احمد بجاڈ، اور مختار احمداعوان 13 فروری2025 کو اشموجی اننت ناگ میں ایک رشتہ دار کے گھر ایک تقریب میں شرکت کےلئے جاتے ہوئے لاپتہ ہو گئے تھے۔ تاہم، تینوں، جو مزدور کے طور پر کام کر رہے تھے، کبھی بھی اپنی منزل تک نہیں پہنچے۔شوکت احمد بجاد کی لاش اتوار کو کولگام ضلع کے ویشو نالہ سے برآمد ہوئی تھی جبکہ اس کے بھائیریاض احمد بجاڈ کی لاش کچھ دن پہلے اسی مقام سے برآمد ہوئی تھی۔پیر کو اسمبلی کی کارروائی شروع ہوتے ہی،پی ڈی پی ممبراسمبلی وحیدپرہ نے کہا کہ کولگام ضلع میں 2 قبائلی مردوں کی ہلاکتوں سے لوگوں میں خوف و ہراس پھیل گیا ہے اور انہوں نے مجرموں کو انصاف کے کٹہرے میں لانے کے لیے غیر جانبدارانہ تحقیقات کا مطالبہ کیا۔اسپیکر عبدالرحیم راتھر کی جانب سے وقفہ سوالات کو آگے بڑھانے کی اجازت دینے کی درخواست کے باوجود پی ڈی پی ارکان اپنی نشستوں سے مسئلہ اٹھاتے رہے۔حکمران نیشنل کانفرنس کے ارکان بھی اس میں شامل ہوئے اور انہوں نے ہلاکتوں کی اعلیٰ سطحی تحقیقات کا مطالبہ کیا۔نیشنل کانفرنس کے رکن پیرزادہ فیروز احمد نے لوگوں کے لاپتہ ہونے کے بڑھتے ہوئے واقعات کی طرف اشارہ کیا، جس نے کہا کہ لوگوں میں خوف و ہراس پھیل گیا ہے۔ارکان نے کہا کہ کٹھوعہ سے بھی اسی طرح کے واقعات رپورٹ ہوئے ہیں۔ نیشنل کانفرنس کے رہنما نذیر گریزی نے کہاکہ کیا جموں کشمیر ایک پولیس ریاست بن چکی ہے؟ کیا پولیس کسی کو بھی گولی مار سکتی ہے، گرفتار کر سکتی ہے؟ کیا پولیس کے لیے کوئی قانون نہیں؟۔ سورنکوٹ کے ممبراسمبلی چودھری محمد اکرم نے پولیس کارروائی پر سخت اعتراض اٹھاتے ہوئے کہا کہ ایک پولیس افسر نے مظاہرین پر بے رحمی سے لاٹھیاں برسائیں اور ایک خاتون کو ٹھوکر ماری، جو انتہائی شرمناک عمل ہے۔ انہوں نے قصوروار پولیس اہلکاروں کے خلاف سخت کارروائی کا مطالبہ کیا۔ہنگامے کے دوران این سی کے ارکان اسمبلی جاوید چودھری، میاں مہر علی، جاوید مرچال اور ظفر علی نے اسمبلی اسپیکر کے چیمبر میں داخل ہونے کی کوشش کی، لیکن مارشلز نے انہیں روک دیا۔اسپیکر نے مداخلت کی اور خاتون کے ساتھ بدتمیزی کی رپورٹس کو تسلیم کیا۔ انہوں نے یہ بھی یقین دلایا کہ وزیر اعلیٰ عمر عبداللہ، جو ایوان میں موجود تھے، اس مسئلہ کو حل کریں گے اور مناسب کارروائی کو یقینی بنائیں گے۔اسپیکر عبدالرحیم راتھر نے کہاکہ وزیر اعلیٰ یہاں بیٹھے ہیں۔ انہوں نے آپ کا مسئلہ سنا ہے۔ وہ اس کا جائزہ لے گا۔ وہ کارروائی کو یقینی بنائیں گے۔اسمبلی کے باہر نامہ نگاروں سے بات کرتے ہوئے،ممبراسمبلی وحیدالرحمان پرہ نے اموات پر تشویش کا اظہار کرتے ہوئے کہاکہ اس طرح کے واقعات نے لوگوں میں عدم تحفظ پیدا کیا ہے۔انہوںنے کہاکہ ہم کسی پر الزام نہیں لگا رہے ہیں، لیکن غیر جانبدارانہ تحقیقات کی اشد ضرورت ہے کیونکہ ایک کمیونٹی کو نشانہ بنایا جا رہا ہے۔