سرینگر سمیت وادی کے دیگر اضلاع میں بھی ہر اتوار کو سنڈے مارکیٹ لگتا ہے 

سنڈے مارکیٹ سے ہزاروں افراد کا روز گار جڑا ہوا ہے ، کاروبار کا اہم وسیلہ بھی ہے سنڈے مارکیٹ 

سرینگر/// شہر سرینگر سمیت وادی کے دیگر اضلاع میں بھی ہر اتوار کو سنڈے مارکیٹ سجایا جاتا ہے جہاں پر اطراف واکناف سے لوگ آکر خریداری کرتے ہیں ۔ گزشتہ بیس 25برسوں سے سرینگر میں سنڈے مارکیٹ ایک اہم کاروباری دن اُبھر کر آیا ہے اور ہزاروں افراد کےلئے یہ روزی روٹی کا سہارا بن گیا ہے ۔ سرینگر کے علاوہ اننت ناگ، کپوارہ، ہندوارہ، کولگام ، پلوامہ اور شوپیاں میں بھی ہر اتوار کو سنڈے مارکیٹ سجتے ہی لوگ خریداری کرتے ہیں ۔ وائس آف انڈیا کے نمائندے کے مطابق وادی کشمیر میں ہر اتوار کو سنڈے مارکیٹ سجایا جاتا ہے جہاں پر اطراف و اکناف سے لوگ آکر خریداری کرتے ہیں ۔ ادھر سرینگر میں وادی کے مشہور اتوار بازار”سنڈے ماریکٹ “میں آج بھی لوگوں کا اژدھام ، دکھائی دیا جبکہ سرمائقریب آنے کے پیش نظر گرم ملبوسات کی جم کر خریداری کی ، مارکیٹ میں خواتین اور بچوں کا بھاری رش دیکھنے کو ملا۔سرینگر کے سنڈے مارکیٹ میں ٹورسٹ ریسپشن سنٹرسے لیکر مہاراجہ بازار امیرا کدل تک دونوں جانب ہزاروں کی تعداد میں چھاپڑی فروشوں نے مال سجایا جس میں گرم ملبوسات، کمبل، اور دیگر سازوسامان تھا ۔ لوگ کی تعداد بڑھتی گئی اور دوپہر تک ہزاروں کی تعداد میں لوگ سنڈے مارکیٹ پہنچے جن میں خواتین اور بچے بھی شامل تھے ۔ سنڈے مارکیٹ میں خواتین نے کئی طرح کے چیزوں کی جم کر خریداری کی جن میں زیادہ تر گرم ملبوسات شامل ہیں ۔ سنڈے مارکیٹ میں ہزاروں کی تعداد میں تاجر اپنی چھاپڑیاں لگاکر ان پر مال سجاتے ہیں جن میں کراکری، ہوزری، جرابے، جوتے ، سٹیشنری، کتابیں ، پنٹ ، شیٹ، بیڈ شیٹ، مختلف اقسام کی کمبلیں ، الیٹرانک سامان ، جن میں موبائل وغیرہ بھی شامل ہوتا ہے ۔ جبکہ اچھی کمپنیوں کے ساتھ ساتھ ادنا کمپنیوں کا مال بھی خریداروں کی خدمت میں رکھا جاتا ہے ۔ سنڈے مارکیٹ وادی کاایک وہ واحد مارکیٹ ہیں جہاں پر اس تعدادمیں لوگ خریداری کرتے ہیں اور خریداری کی غرض سے ہی لوگ یہاں آتے ہیں ۔ سنڈے مارکیٹ سے جڑے کئی افراد نے نمائندے کے ساتھ بات کرتے ہوئے کہا کہ اس مارکیٹ کی وجہ سے ہی ان کے اہل و عیال کا پیٹ پلتا ہے کیوں کہ ہفتے کے چھ دن وہ سنڈے مارکیٹ کےلئے مال تیار رکھتے ہیں اور اس روز یہاں فروخت کرتے ہیں ۔ سنڈے مارکیٹ کی وجہ سے ہزاروں لوگوں کو روزگار ملتا ہے جن میں چھاپڑی فروشوں کے علاوہ ، مسافر گاڑیوں ، آٹو ڈرائیوروں ، لوڈ کیریر والوں اور دیگر لوگ بھی سنڈے مارکیٹ کی وجہ سے اچھا خاصہ کاروبار کرتے ہیں ۔ درین اثناﺅادی کشمیر کے دیگر قصبہ جات اور اضلاع جن میں کولگام ، شوپیاں ، پلوامہ ، کپوارہ ،ہندوارہ ، سوپور، بارہمولہ، اننت ناگ، پلوامہ اور دیگر جگہوں پر بھی اتوار کے روز اب بازار سجائے جاتے ہیں جن میں لوگوں کی بڑی تعداد آکر خریداری کرتے ہیں ۔ یہ سنڈے مارکیٹ وادی کشمیر میں ہزاروں لوگوں کو روزگار فراہم کرنے کے ساتھ ساتھ کاروبار کا ایک اہم وسیلہ بن گئے ہیں ۔