ملک میں کوروناوائرس کے 11 ہزار سے زائد نئے معاملے

نئی دہلی(یو این آئی) گزشتہ 24 گھنٹوں کے دوران ملک میں جان لیوا اور ہلاکت خیز عالمی وبا کورونا وائرس کے 11 ہزار سے زیادہ نئے کیسز سامنے آئے ہیں، یہ تعداد گزشتہ روز کے مقابلے کم ہے ۔ ہفتہ کی صبح مرکزی وزارت صحت کی جانب سے جاری تازہ ترین اعداد و شمار کے مطابق گزشتہ 24 گھنٹوں میں کورونا وائرس کے 11,850 نئے کیسز رپورٹ ہوئے ،اس کے ساتھ ہی متاثرین کی مجموعی تعداد بڑھ کر تین کروڑ 44 لاکھ 26 ہزار 36 ہو گئی ہے ۔ اس دوران 12 ہزار 403 مریض صحت یاب ہوئے جس سے اس وبا کو شکست دینے والوں کی تعداد تین کروڑ 38 لاکھ 26 ہزار 483 ہوگئی ہے ۔ ملک میں ایکٹیو کیسز 1,108 سے گھٹ کر 1,36,308 پررہ گئے ہیں۔ اسی عرصے میں 555 مریضوں کی موت کے بعد ہلاکتوں کی تعداد چار لاکھ 63 ہزار 245 ہو گئی ہے ۔ ملک میں کورونا وائرس کے ایکٹیو کیسز کی شرح 0.40 فیصد، صحت یابی کی شرح 98.26 فیصد اور اموات کی شرح 1.35 فیصد پر برقرار ہے ۔ کیرالہ جان لیوا کورونا وائرس کے ایکٹیو کیسز کے معاملہ میں ملک میں پہلے نمبر پر ہے ، جہاں یہ کیسز 819 سے گھٹ کر 69,432 رہ گئے ہیں۔ ریاست میں 7,022 مریضوں کے صحت یاب ہونے کے ساتھ ہی کورونا وائرس سے شفایاب لوگوں کی تعداد بڑھ کر 49,43,813 ہو گئی ہے ۔ اسی عرصے میں 471 مریضوں کی موت کے ساتھ ہی مرنے والوں کی تعداد بڑھ کر 35,511 ہو گئی ہے ۔ ریاست مہاراشٹر میں کورونا وائرس کے ایکٹیو کیسز 61 سے گھٹ کر 15,936 رہ گئے ہیں جبکہ مزید 41 مریضوں کی موت کے ساتھ ہی مرنے والوں کی تعداد 1,40,516 ہو گئی ہے ۔ اس کے ساتھ ہی کورونا سے شفایاب ہونے والوں کی تعداد اس ریاست میں 945 سے بڑھ کر 64,65,893 ہو گئی ہے ۔ ریاست تمل ناڈو میں کورونا کے ایکٹیو کیسز گھٹ کر 9890 رہ گئے ہیں اور مزید 8مریضوں کی موت کے ساتھ ہی مرنے والوں کی تعداد 36259 ہو گئی ہے ۔ ریاست میں اب تک 2667067 مریض شفایاب ہو چکے ہیں۔ شمال مشرقی ریاست میزورم میں ایکٹیو کیسز 184 سے گھٹ کر 5654 ہو گئی ہے اور کورونا سے شفایاب مریضوں کی کل تعداد 122105 ہو گئی ہے جبکہ مرنے والوں کی تعداد 458 ہے ۔