بھارت اور امریکہ دفاعی تعاون پر 10 سالہ جامع فریم ورک کے مسودے پر متفق

نئی دلی/۔وزیر دفاع راج ناتھ سنگھ اور امریکی وزیر دفاع پیٹ ہیگستھ نے جمعرات کو ہندوستان۔امریکہ دفاعی شراکت کو مضبوط بنانے کے لیے 10 سالہ فریم ورک پر کام کرنے پر اتفاق کیا۔ بات چیت انٹیلی جنس، لاجسٹکس، آپریشنل اور صنعتی مصروفیات پر مرکوز تھی۔  وزیر دفاع راجناتھسنگھ نے کہا کہ ہیگسٹھ نے اپنی فون پر بات چیت کے دوران دو طرفہ دفاعی تعلقات کے مختلف پہلوؤں کا جائزہ لیا۔ انہوں نے کہا، ہم نے جاری دفاعی تعاون کا جائزہ لیا اور ہندوستان۔امریکہ کے باہمی دفاعی تعلقات کو وسعت دینے اور گہرا کرنے کے طریقوں اور ذرائع کی تلاش کی۔ راجناتھ سنگھ نے مزید کہا، "ہم نے ایک پرجوش ایجنڈا تیار کرنے پر بھی اتفاق کیا جس میں آپریشنل، انٹیلی جنس، لاجسٹکس اور دفاعی۔صنعتی تعاون شامل ہے۔سیکرٹری ہیگستھ کے ساتھ مل کر کام کرنے کے منتظر ہوں۔بات چیت کے ایک آفیشل ریڈ آؤٹ نے کہا کہ دونوں فریقین نے 2025-2035 پر محیط دفاعی تعاون کے لیے ایک فریم ورک کا مسودہ تیار کرنے پر اتفاق کیا۔ بیان میں کہا گیا کہ راجناتھ  سنگھ اور ہیگستھ نے "زمین، فضائی، سمندری اور خلا میں متعدد ڈومینز” میں دفاعی تعاون کا جائزہ لیا۔ راجناتھ سنگھ کے ذریعہ ‘X’ پر ایک پوسٹ نے گفتگو کو "بہترین” قرار دیا۔ انہوں نے کہا کہ دونوں فریقین نے دفاعی تعلقات کو گہرا کرنے کے طریقے تلاش کئے۔ راجناتھ سنگھ اور ہیگستھ نے ٹیکنالوجی کے تعاون، دفاعی صنعتی سپلائی چین کے انضمام، بہتر انٹرآپریبلٹی، لاجسٹکس، معلومات کے تبادلے اور مشترکہ مشقوں پر بھی مل کر کام کرنے کا فیصلہ کیا۔وزارت دفاع نے کہا کہ "انہوں نے حکومتوں، سٹارٹ اپس، کاروباری اداروں اور تعلیمی اداروں کے درمیان بڑھتے ہوئے دفاعی جدت طرازی کے تعاون کو بڑھانے پر بھی اتفاق کیا۔