پونچھ میں زمین دوز بم دھماکہ 

فوج کے ساتھ کام کرنے والا پوٹر زخمی 

سرینگر//جمعہ کے روز سرحدی ضلع پونچھ میں ایک فوجی پورٹر زیر زمین بارودی سرنگ پھٹنے کے نتیجے میں زخمی ہوا ہے جس کو فوری طور پر فوجی ہسپتال منتقل کیا گیا جہاں اس کا علاج چل رہا ہے ۔ تفصیلات کے مطابق سرحدی ضلع پونچھ کے شاہ پور سیکٹر میں جمعہ کے روز ایک بارودی سرنگ زور دار دھماکہ کے ساتھ پھٹ گئی جس کی وجہ سے ایک فوجی پورٹر زخمی ہوا ہے ۔ دفاعی ذرائع نے بتایا کہ پورٹر کا پاﺅں غلطی سے زیر زمین بارودی سرنگ پر پڑ گیا جس کی وجہ سے ایک زور دار دھماکہ ہوا جس میں ایک فوجی پورٹر محمد قاسم ولد محمد شریف ساکن نونا بندی شدید زخمی ہوا ۔ انہوںنے بتایا کہ فوجی پورٹر کو فوری طور پر فوجی ہسپتال پہنچایا گیا جہاں اس کا علاج چل رہا ہے ۔ انہوںنے بتایا کہ پورٹر کے پیر میں شدید چوٹیں آئی ہیں۔