نئی دہلیْ فیڈریشن آف آٹوموبائل ڈیلرز ایسوسی ایشن (ایف اے ڈی اے ) کی طرف سے جمعرات کو جاری کردہ اعداد و شمار کے مطابق الیکٹرک بیٹریوں پر چلنے والے دو پہیہ گاڑیوں کی اچھی مانگ کی وجہ سے اکتوبر میں الیکٹرک گاڑیوں (ای وی) کی فروخت میں اضافہ ہوا۔ ایک سال پہلے کی نسبت اسی مہینے کے مقابلے میں یہ 55.16 فیصد بڑھ کر 2,17,803 یونٹس ہو گئی۔اکتوبر 2023 میں ای وی کی مجموعی فروخت 1,40,373 یونٹس رہی تھی۔الیکٹرک دو پہیہ گاڑیوں نے زیر جائزہ مدت کے دوران مجموعی فروخت میں اس کا بڑا حصہ رہا۔ اس میں اس سال اکتوبر میں سال بہ سال 85.14 فیصد کی مضبوط اضافہ ریکارڈ کیا گیا۔ ایک سال قبل اسی مہینے میں اس سیگمنٹ میں فروخت 75,165 یونٹس تھی جو اس سال اکتوبر میں بڑھ کر 1,39,159 یونٹس ہوگئی۔ اولا الیکٹرک، ٹی وی ایس موٹر، بجاج آٹو اور ایتھر انرجی الیکٹرک جیسی بڑی مینوفیکچرنگ کمپنیاں دو پہیوں والی ای وی گاڑیوں کے سیگکمنٹ میں کام کر رہی ہیں۔ اس سال اکتوبر کے مہینے میں مسافر الیکٹرک گاڑیوں کی فروخت سال بہ سال 39.12 فیصد بڑھ کر 10,609 یونٹس تک پہنچ گئی۔ ٹاٹا موٹرز نے الیکٹرک مسافر گاڑیوں کے حصے کی قیادت کی، اس کے بعد ایم جی موٹر انڈیا دوسرے نمبر پر رہی۔ایف اے ڈی اے کے ماہانہ گاڑیوں کی فروخت کے اعداد و شمار کے مطابق اس سال اکتوبر میں الیکٹرک تھری وہیلر مارکیٹ میں سالانی بنیاد پر فروخت 17.83 فیصد بڑھ کر 67,171 یونٹس تک پہنچ گئی۔
16 جنوری ,2026
