سی آر پی ایف اہلکار نے اپنے ساتھیوں پر اندھا دھند گولیاں برسائیں

چار فورسز اہلکار ہلاک اور تین دیگر زخمی ہوئے ہیں ۔ پولیس نے کیا کیس درج
برادر کشی کے ایک واقعے میں سی آر پی ایف کے چار اہلکار ہلاک اور تین دیگر زخمی ہوئے ہیں جن کی حالت ہسپتال میں نازک بنی ہوئی ہے ۔ معلوم ہوا ہے کہ سی آر پی ایف کی 50ویں بٹالین سے وابستہ اہلکاروں کے مابین کسی بات پر جھگڑا ہوا اور ایک اہلکار نے اندھادھند گولیاں برسائیں۔ پولیس نے اس ضمن کیس درج کرلیا ہے ۔ اطلاعات کے مطابق برادر کشی کے واقعے میں چار فورسز اہلکار ہلاک اور تین زخمی ہوئے ہیں ۔ ذرائع کے مطابق چھتیس گڑھ کے نکسل متاثرہ ضلع سکما میں مرائی گوڈا کے نزدیک سینٹرل ریزرو پولیس فورس (سی آر پی ایف) کے کیمپ میں آج ایک جوان نے اپنے ساتھیوں پر اندھادھند فائرنگ کھول دی، جس میں چار جوان ہلاک اور تین دیگر زخمی ہو گئے۔پولیس ذرائع کے مطابق لنگن پلی کیمپ میں جوانوں کے درمیان کسی بات پر جھگڑا ہوا۔ اس کی وجہ سے ایک جوان نے گولی چلائی جس کی وجہ سے تین فوجیوں کی موقع پر ہی موت ہو گئی اور چار کو اسپتال بھیج دیا گیا۔ جہاں ایک اور جوان نے دم توڑ دیا۔ذرائع کے مطابق گولی لگنے سے سی آر پی ایف کی 50ویں بٹالین کے دھان جی، راجیو منڈل، راجمنی کمار یادو اور دھرمیندر کمار شہید ہوئے ہیں۔ تین دیگر زخمی جوان دھننجے کمار سنگھ، دھرماتما کمار اور مالے رنجن مہارانا زیر علاج ہیں۔ سبھی کو بھدراچلم، تلنگانہ کے قریبی اسپتال بھیج دیا گیا ہے۔ ذرائع نے بتایا کہ جوانوں کے درمیان جھگڑے کی وجہ فوری طور پر معلوم نہیں ہو سکی ہے۔ گولیاں چلانے والے جوان کا نام فوری طور پر معلوم نہیں ہو سکا ہے۔اس سلسلے میں پولیس نے کیس درج کرلیا ہے ۔