سابق چیف جسٹس علی محمد ماگرے نے سری نگر میں’ احاطہ وَقار ڈے کیئر اینڈ ریکریشن سینٹر‘ کا دورہ کیا

سابق چیف جسٹس علی محمد ماگرے نے چھانہ پورہ سری نگر میں واقع ڈے کیئر اینڈ ریکریشن سینٹر احاطہ وقار کا دورہ کیا ۔ یہ سینٹر ڈِسٹرکٹ لیگل سروسز اَتھارٹی (ڈِی ایل ایس اے) سری نگر کی سرپرستی میں ڈائریکٹوریٹ ہیلتھ سروسز کشمیر اور ڈائریکٹوریٹ سوشل ویلفیئر کے اِشتراک سے کام کرتا ہے ۔تقریب کا آغاز ہائیر سیکنڈری سکول چھانہ پورہ کے ایک طالب علم کی شاعری سے ہوا جس نے اِس دن کے اِجتماع کے جوہر کو اُجاگر کیا ۔ اس کے بعد چیئرمین سینئر سٹیزن کونسل عبدالغنی پرے نے اِستقبالیہ تقریر کی۔ اِس موقعہ کی ثقافتی اہمیت کو عبدالرشید قاضی کی طرف سے پیش کی گئی احاطہ وقار پر ایک نظم نے مزید تقویت بخشی ۔تقریب کی خاص بات سابق چیف جسٹس علی محمد ماگرے کا خطاب تھا۔ اُنہوں نے منشیات کے غلط اِستعمال پر خصوصی زور دیتے ہوئے مختلف سماجی برائیوں سے نمٹنے کی فوری ضرورت پر توجہ مرکوز کی۔ اُنہوں نے اَپنے وسیع تجربے اور سماجی کاموں سے وابستگی سے فائدہ اُٹھاتے ہوئے اِس خطرے سے نمٹنے کے لئے عملی حکمت عملیوں کا خاکہ پیش کیا۔ اُنہوں نے اس طرح کے چیلنجوں پر قابو پانے کے لئے کمیونٹی کی شمولیت کی اہمیت پر زور دیا اور اِس سلسلے میں جاری کوششوں کے لئے بزرگ شہریوں اور احاطہ وقار کے عملے کو رہنمائی اور حوصلہ افزائی فراہم کیں۔اَپنی تقریر کے دوران جسٹس علی محمد ماگرے نے سینٹر کے بارے میں بزرگ شہریوں کے مسائل کا اعتراف کیا اور اُنہیں ان مسائل کے حل کے لئے اپنے مسلسل تعاون کی یقین دہانی کی ۔ اُنہوں نے سماجی برائیوں سے نمٹنے کے لئے اُٹھائے گئے مختلف اَقدامات پر بھی تبادلہ خیال کیاجس سے ایک محفوظ اور صحت مند معاشرے کو فروغ دینے کے اَپنے عزم کو تقویت دی۔اَپنے اِختتامی کلمات میں سابق چیف جسٹس نے ڈِسٹرکٹ لیگل سروسز اَتھارٹی سری نگر کو خصوصی طور پر بزرگ شہریوں کے فائدے کے لئے اِنسٹی چیوٹ کے قیام اور اس کی پرداخت کے لئے مثالی کاوشوں پر تہہ دل سے سراہا۔ہائیر سیکنڈری سکول چھانہ پورہ کی ٹیچر روحی جان نے شرکا¿ سے خطاب کرتے ہوئے منشیات کے غلط اِستعمال کے خطرے کے بارے میں بتایا اور کمیونٹی پر زور دیا کہ وہ اِکٹھے ہو کر اس مسئلے کا مقابلہ کرنے میں فعال کردار اَدا کریں۔ اِس کے حوصلہ اَفزا الفاظ سے سامعین کو متاثر کیا اور اُنہیں اِس مقصد میں اَپنا حصہ اَدا کرنے کی ترغیب دی ۔اِس تقریب میں سیکرٹری ڈِسٹرکٹ لیگل سروسز اتھارٹی سری نگر جہانگیر احمد بخشی، دُوردرشن کے سابق ڈائریکٹر شبیر مجاہد، سابق ڈائریکٹر سیری کلچر حکیم یاسین، ریٹائرڈ اِنجینئر خضر محمد تراگ اور دیگر احاطہ وقار سینٹر کے دیگر اراکین اور علاقہ چھانہ پورہ کے بزرگ شہریوںنے شرکت کی۔پروگرام کی نظامت کے فرائض ڈاکٹر لیلیٰ سلطانہ نے اَنجام دی ۔