جسٹس تاشی ربستن نے کریسنٹ پبلک سکول اور بلالیہ ایجوکیشنل اِنسٹی چیوٹ سری نگر میںلیگل لٹریسی کلبوں کا اِفتتاح کیا

چیف جسٹس ( قائم مقام ) جموں و کشمیر اور لداخ ہائی کورٹ جسٹس تاشی ربستن نے آج بلالیہ ایجوکیشنل اِنسٹی چیوٹ باغوان پورہ لال بازار سری نگر میں لیگل لٹریسی کلب کا اِفتتاح کیا۔جسٹس تاشی ربستن کے ہمراہ ممبر سیکرٹری جموں و کشمیر لیگل سروسز اتھارٹی امت کمار گپتا بھی تھے اور چیئرمین ڈِی ایل ایس اے (پی ڈی جے )سری نگر جواد احمد، سیکرٹری ڈِی ایل ایس اے سری نگر جہانگیر احمد بخشی،چیئرمین بلالیہ ایجوکیشنل اِنسٹی چیوٹ منظور احمد وانگنو، کوآرڈی نیٹر ڈاکٹر توصیف احمد بٹ اور اِنسٹی چیوٹ کے دیگر تدریسی و اِنتظامی عملے نے اُن کاوالہانہ اِستقبال کیا۔اُنہوں نے علاقے کے ہر حصے تک رَسائی حاصل کرنے کی اپنی مسلسل کوششوں میں کریسنٹ پبلک سکول نسیم باغ سری نگر میں لیگل لٹریسی کلب کا بھی اِفتتاح کیا جہاںچیئرمین کریسنٹ پبلک سکول شکیل احمد ڈار، کارتِک چوپڑااور تدریسی و اِنتظامی عملے نے اُن کا پرتپاک اِستقبال کیا۔اِن اِفتتاحی تقریبات کے دوران جسٹس تاشی ربستن نے ان لیگل لٹریسی کلبوں کے اِنچارج اور نئے اِندراج شدہ طلباءممبران اور اَساتذہ سے اِستفساری گفتگو کی ۔ اُنہوں نے قانونی طور پر معلومات اور باخبر معاشرے کو فروغ دینے میں لیگل لٹریسی کلبوں کے اہم کردار پر زور دیا۔ اُنہوں نے قانونی اور سماجی مسائل کے حل میں طلبا¿کی فعال اور مثبت شمولیت کی اہمیت پر روشنی ڈالی اور انچارج پر زور دیا کہ وہ طلبا¿ کو ان کے حقوق اور ذمہ داریوں کو سمجھنے کے لئے حوصلہ افزائی اور رہنمائی کریں۔ممبر سیکرٹری جموں و کشمیر لیگل سروسز اَتھارٹی امت کمار گپتا نے جموں و کشمیر لیگل سروسز اتھارٹی اور ڈِی ایل ایس اے کی طرف سے پورے خطے کے سکولوں تک پہنچ کر ایک باخبرمعاشرہ قائم کرنے کی مسلسل کوششوں کے بارے میں بتایا۔ اُنہوں نے کہا کہ ضلع سری نگر میں اَب 11 لیگل لٹریسی کلب موجود ہیں جن میں آج اِفتتاح کئے گئے دو ایل ایل سی شامل ہیں۔ اُنہوں نے نوجوانوں کے ساتھ مثبت طور پر منسلک ہونے کی اہمیت پر زور دیا تاکہ ان کی توانائی کو سماجی فلاح و بہبود اور قوم کی تعمیر کے لئے اِستعمال کیاجاسکے۔یہ اَقدامات جموں و کشمیر میں قانونی خدمات کے اِداروں اور تعلیمی شعبے کے عزم کو اُجاگر کرتے ہیں تاکہ نوجوان پود کو قانونی علم کے ساتھ بااِختیار، باخبر اور ذمہ دار شہریوں کے مستقبل کو بہتر بنایا جاسکے۔