2047میں ایک ترقی یافتہ ہندوستان بننے کا دعویٰ

نریندر مودی بی جے پی کے عزائم کو پورا کرینگے: میڈیا انچارج
شملہ،/بھارتیہ جنتا پارٹی (بی جے پی) کے میڈیا انچارج کرن نندا نے کہا ہے کہ یہ ہماری خوش قسمتی ہے کہ مسٹر نریندر مودی تیسری بار ملک کے وزیر اعظم بننے جا رہے ہیں۔ ملک نے ترقی کی ہے اور 2047 میں ایک ترقی یافتہ ہندوستان بننے والا ہے ، یہ صرف مسٹر مودی کی قیادت والی حکومت ہی کر سکتی ہے ۔ بی جے پی نے ایک عہد لیا ہے اور مسٹر مودی اس عہد کو پورا کریں گے۔ مسٹر نندا نے کہا کہ اب تک وزیر اعظم نریندر مودی نے بہت سے خطاب جیتے ہیں اور آنے والے وقت میں مزید کئی خطاب جیتنے کی تیاری کر رہے ہیں۔ انہوں نے کہا کہ نریندر مودی آزادی کے بعد پیدا ہونے والے پہلے وزیر اعظم ہیں۔ مسٹر نندا نے کہا کہ 26 مئی 2014 کو نریندر مودی نے ملک کے وزیر اعظم کے طور پر حلف لیا۔ اس کے ساتھ وہ ہندوستان کی آزادی کے بعد پیدا ہونے والے پہلے وزیر اعظم بن گئے ۔ مسٹر مودی نے 22 جون 2023 کو اپنے دورے کے دوران دوسری بار امریکی ایوان سے خطاب کیا۔ اس سے قبل وہ 8 جون 2016 کو دورہ امریکہ کے دوران امریکی ایوان کے مشترکہ اجلاس سے بھی خطاب کر چکے ہیں۔ جون 2023 میں امریکی پارلیمنٹ کے مشترکہ اجلاس سے خطاب کرتے ہی انہوں نے جنوبی افریقہ کے عظیم رہنما نیلسن منڈیلا کی برابری کر لی تھی۔ مسٹر مودی نے ان چند عظیم لیڈروں کی برابری کی ہے جنہوں نے دو یا زیادہ بار امریکی پارلیمنٹ سے خطاب کیا ہے ۔ جنوبی افریقہ کے سابق صدر اور نسل پرستی کے خلاف جدوجہد کرنے والے عظیم رہنما نیلسن منڈیلا اور اسرائیل کے سابق وزیر اعظم یتزاک رابن بھی دو بار امریکی پارلیمنٹ سے خطاب کر چکے ہیں۔ ونسٹن چرچل اور اسرائیل کے موجودہ وزیر اعظم بینجمن نیتن یاہو تین تین بار امریکی ایوان سے خطاب کر چکے ہیں۔ اس معاملے میں مسٹر مودی اپنے آنے والے امریکی دورے میں اپنے پیشرو راجیو گاندھی اور اٹل بہاری واجپئی کے ساتھ ساتھ منموہن سنگھ اور پی وی نرسمہا را¶ سے بھی آگے نکل گئے ہیں۔