مودی حکومت کے تحت چین  ہماری ایک انچ زمین پر بھی قبضہ نہیں کر سکتا۔ امت شاہ

لکھیم پور/اس بات پر زور دیتے ہوئے کہ چین نریندر مودی حکومت کے تحت "ایک انچ” زمین پر قبضہ نہیں کر سکتا، وزیر داخلہ امت شاہ نے منگل کو دعوی کیا کہ لوگ کبھی نہیں بھولیں گے کہ کس طرح سابق وزیر اعظم جواہر لال نہرو نے 1962 کی چینی جارحیت کے دوران اروناچل پردیش  اور  آسام کو "الوداع” کہا تھا۔لکھیم پور میں ایک انتخابی ریلی سے خطاب کرتے ہوئے، انہوں نے کہا کہ مرکز میں بی جے پی کی قیادت والی حکومت نے بنگلہ دیش کے ساتھ ملک کی سرحد کو محفوظ بنایا اور دراندازی کو روکا۔مسٹر شاہ نے کہا، 1962 کی چینی جارحیت کے دوران، نہرو نے آسام اور اروناچل پردیش کو ‘ الوداع’ کہا تھا۔ ان ریاستوں کے لوگ اسے کبھی نہیں بھول سکتے۔لیکن اب، چین ہماری زمین کا ایک انچ بھی قبضہ نہیں کر سکتا۔ ڈوکلام میں بھی، ہم نے انہیں پیچھے دھکیل دیا۔انہوں نے کہا کہ بنگلہ دیش کے ساتھ آسام کی سرحد پہلے "دراندازی کے لیے کھلی” تھی۔مسٹر شاہ نے کہا، "پھر مرکز میں مودی حکومت آئی، اور یہاں ہمنتا بسوا سرما کی حکومت آئی۔ اب، ہم کہہ سکتے ہیں کہ دراندازی رک گئی ہے۔انہوں نے الزام لگایا کہ آسام میں پچھلی کانگریس حکومت نے ریاست کے ساتھ ناانصافی کی، اور مختلف پرتشدد تحریکوں اور شورش سے متعلق واقعات میں سینکڑوں نوجوان مارے گئے۔انہوں نے کہا، "مودی حکومت کے تحت گزشتہ 10 سالوں میں، امن معاہدوں پر دستخط کیے گئے اور 9000 نوجوانوں نے ہتھیار ڈال دیے۔امیت شاہ نے نوٹ کیا کہ آرمڈ فورسز (خصوصی اختیارات) ایکٹ کو ریاست کے 80 فیصد علاقوں سے واپس لے لیا گیا ہے۔”انہوں نے (آسام) معاہدے پر دستخط کیے لیکن شقوں کو پورا نہیں کیا۔ ہم نے بوڈو معاہدے پر دستخط کیے اور دو سال کے اندر، تمام شقیں پوری ہوئیں۔امیت شاہ نے کہا کہ شمال مشرق کی ترقی ملک کی مجموعی ترقی کا مرکز ہے، اور لوگوں سے اپیل کی کہ وہ علاقے کی تمام سیٹوں پر این ڈی اے کے امیدواروں کو ووٹ دیں۔