الیکشن کمیشن آف انڈیا نے لوک سبھا انتخابات کابگل بجادیا

ملک میں 19اپریل سے لوک سبھا کے عام انتخابات شروع ہوں گے ،ووٹوں کی گنتی 4 جون کو ہوگی
جموں کشمیر میں 19اپریل سے 26مئی تک 5مرحلوں میں ووٹ ڈالے جائیں گے
لوک سبھا انتخابات میں 12 لاکھ سے زیادہ پولنگ اسٹیشنوں پر تقریباً 97 کروڑ لوگ ووٹ ڈالنے کے اہل ہیں
عام پارلیمانی انتخابات کے دوران جموں کشمیر کے اسمبلی انتخابات نہیں ہوں گے
جموںکشمیر میں ستمبر سے قبل ہی اسمبلی انتخابات منعقد کرائے جائیں گے ۔الیکشن کمیشن
سنیچر رات 12بجے سے ملک بھر میں ضابطہ اخلاق نافذا لعمل
سرینگر//ملک میں عام پارلیمانی انتخابات کا اعلان کرتے ہوئے الیکشن کمیشنر راجیو کمار نے کہا کہ 19اپریل سے ملک بھر میں مرحلہ وار طریقے سے ووٹنگ ہوگی ۔ تاریخوں کا اعلان کرتے ہوئے چیف الیکشن کمشنر راجیو کمار نے کہا کہ جموں کشمیر اور لداخ کی 6پارلیمانی نشستوں سمیت ہندوستان بھر میں 543 پارلیمانی نشستوں کے لیے پولنگ 19 اپریل سے 7/8 مرحلوں میں ہوگی۔19اپریل کو اوھمپور کی نشست کےلئے انتخابات ہوں گے ، جموں کی نشست کےلئے 26اپریل کو اور اننت ناگ راجوری سیٹ کےلئے 7مئی کو اسی طرح سرینگر کی نشست کےلئے 13مئی کو انتخابات ہوں گے جبکہ 26مئی کو بارہمولہ کی پارلیمانی نشست کےلئے ووٹ ڈالے جائیں گے ۔ ووٹوں کی گنتی 4 جون کو ہوگی۔اسی کے ساتھ ملک بھر میں ضابطہ اخلاق نافذ العمل ہوگیا ہے ۔ چیف الیکشن کمشنر راجیو کمار نے کہا کہ 96.8 کروڑ سے زیادہ رجسٹرڈ ووٹر ہیں جن میں 49.7 کروڑ مرد اور 47.1 کروڑ خواتین شامل ہیں۔ اس میں 19.74 کروڑ نوجوان ووٹر شامل ہیں۔ 85 سال سے زیادہ عمر کے 82 لاکھ ووٹر اور 1.8 کروڑ سے زیادہ نوجوان ووٹر یا پہلی بار ووٹ دینے والے ہیں۔ الیکشن کمیشن نے ریاست بھر میں 26 اسمبلی حلقوں کے ضمنی انتخابات کا بھی اعلان کیا۔ سکم، اڈیشہ، آندھرا پردیش اور اروناچل پردیش جیسی ریاستوں میں بھی ایک ساتھ اسمبلی انتخابات ہوں گے۔الیکشن کمیشن نے جموں و کشمیر میں انتخابات کی تاریخوں کا بھی اعلان کیاجس کے تحت لوک سبھا کے پہلے مرحلے میںجموں کشمیر کی ایک پارلیمانی نشست پر ووٹنگ ہوگی ۔مرکز کے زیر انتظام علاقہ 2019 میں آرٹیکل 370 کی منسوخی کے بعد پہلی بار لوک سبھا انتخابات میں حصہ لے گا۔ عام پارلیمانی انتخابات کے دوران جموں کشمیر میں اسمبلی انتخابات نہیں ہوںگے البتہ سپریم کورٹ کی ہدایت کے مطابق 30ستمبرسے قبل ہی جموںکشمیر میں بھی اسمبلی انتخابات منعقدہونے کی توقع ہے ۔ وائس آف انڈیا کے مطابق الیکشن کمیشن آف انڈیا نے ملک بھر میں لوک سبھا انتخابات کااعلان کیا ہے ۔ اس بیچ کمیشن نے واضح کیا کہ جموں کشمیر میں اسمبلی انتخابات بھی منعقد کئے جارہے ہیں البتہ ابھی حتمی تاریخ کا فیصلہ نہیں ہوا ہے جبکہ سپریم کورٹ نے ستمبر سے پہلے اسمبلی انتخابات منعقد کرانے کی ہدایت پہلے ہی جاری کی ہے ۔ اس بیچ لوک سبھا انتخابات کے ساتھ ساتھ اروناچل پردیش، آندھرا پردیش، اڈیشہ اور سکم۔ مہاراشٹر، ہریانہ اور جھارکھنڈمیں اسمبلی انتخابا ت پارلیمانی الیکشن کے ساتھ ہی ہوں گے ۔ لوک سبھا انتخابات میں 10.5 لاکھ سے زیادہ پولنگ اسٹیشنوں پر تقریباً 97 کروڑ لوگ ووٹ ڈالنے کے اہل ہیں۔ملک میں 1.82کروڑ ووٹر پہلی بار اپنے ووٹ کااستعمال کرنے کے اہل ہوگئے ہیں۔ادھر موجودہ لوک سبھا کی میعاد 16 جون کو ختم ہو رہی ہے اور اس سے پہلے نئی لوک سبھا کی تشکیل ہونی ہے۔واضح رہے کہ گزشتہ پارلیمانی انتخابات میں بھارتیہ جنتا پارٹی نے 303 نشستیں حاصل کی تھیں۔وی او آئی کے مطابق ملک بھر میں ہونے والے لوک سبھا انتخابات کی تاریخوں کا آج اعلان کرتے ہوئے الیکشن کمیشن آف انڈیا نے کہا ہے کہ ملک میں پارلیمانی انتخابات سات مراحل میں ہوں گے اور پہلا مرحلہ 19اپریل کو شروع ہورہا ہے ۔ ملک میں عام پارلیمانی انتخابات کا اعلان کرتے ہوئے الیکشن کمیشنر راجیو کمار نے کہا کہ 19اپریل سے ملک بھر میں مرحلہ وار طریقے سے ووٹنگ ہوگی ۔ تاریخوں کا اعلان کرتے ہوئے چیف الیکشن کمشنر راجیو کمار نے کہا کہ ہندوستان بھر میں 543 پارلیمانی نشستوں کے لیے پولنگ 19 اپریل سے 7/8 مرحلوں میں ہوگی۔ ووٹوں کی گنتی 4 جون کو ہوگی۔اسی کے ساتھ ملک بھر میں ضابطہ اخلاق نافذ العمل ہوگیا ہے ۔ چیف الیکشن کمشنر راجیو کمار نے کہا کہ 96.8 کروڑ سے زیادہ رجسٹرڈ ووٹر ہیں جن میں 49.7 کروڑ مرد اور 47.1 کروڑ خواتین شامل ہیں۔ اس میں 19.74 کروڑ نوجوان ووٹر شامل ہیں۔