وزیراعظم مودی نے مغربی بنگال میں 4500 کروڑ روپے سے زیادہ کے ترقیاتی پروجیکٹوں کی نقاب کشائی کی

 کولکاتہ/ وزیر اعظم نریندر مودی نے ہفتہ کو مغربی بنگال میں ریل اور سڑک کے شعبوں میں 4500 کروڑ روپے سے زیادہ کے متعدد ترقیاتی پروجیکٹوں کا افتتاح کیا اور قوم کو وقف کیا۔ وزیر اعظم نے یہاں  ‘وکست بھارت وکست غربی بنگال’ پروگرام سے خطاب کرتے ہوئے کہا کہ مرکزی حکومت مغربی بنگال کی ترقی کے لیے اپنی پوری کوشش کر رہی ہے۔انہوں نے کانگریس پر حملہ کرتے ہوئے کہا کہ مشرقی ہندوستان کی ترقی کو آزادی کے بعد طویل عرصے تک نظر انداز کیا گیا۔ "ایک وقت تھا جب ٹرینیں شمال مشرق میں داخل ہوتی تھیں، رفتار کم ہو جاتی تھی۔ لیکن ہماری حکومت کی کوشش ہے کہ شمالی بنگال میں ٹرینوں کی رفتار اسی طرح بڑھائی جائے جس طرح پورے ملک میں بڑھائی جا رہی ہے۔ ایک طویل عرصے سے، مشرقی ہندوستان کی ترقی کو نظر انداز کیا گیا۔انہوں نے ریل لائنوں کی برقی کاری کے متعدد پروجیکٹوں کو وقف کیا جس سے شمالی بنگال اور آس پاس کے علاقوں کے لوگوں کو فائدہ پہنچے گا۔انہوں نے سلی گوڑی اور رادھیکاپور کے درمیان نئی مسافر ٹرین سروس کو ہری جھنڈی دکھائی۔ ایک سرکاری ریلیز کے مطابق، یہ ریل منصوبے ریل رابطے کو بہتر بنائیں گے، مال برداری کو آسان بنائیں گے اور خطے میں روزگار کے مواقع پیدا کرنے اور اقتصادی ترقی میں حصہ ڈالیں گے۔ پی ایم مودی نے دو قومی شاہراہوں کے پروجیکٹوں کا افتتاح کیا ۔ ان منصوبوں میں NH 27 کا چار لین گھوسپوکر-دھوپگوری سیکشن اور NH 27 پر چار لین والا اسلام پور بائی پاس شامل ہے۔ گھوسپوکر-دھوپگوری سیکشن شمال-جنوب ٹرانسپورٹ کوریڈور کا حصہ ہے جو مشرقی ہندوستان کو ملک کے باقی حصوں سے ملاتا ہے۔