سخت حفاظتی انتظامات کے بیچ وادی بھر میں فل ڈرس ریہر سل کااہتمام

سب سے بڑی تقریب بخشی سٹیڈیم سرینگر میں منعقد ، ڈویژنل کمشنر کشمیر نے پریڈ پر سلامی لی
سرینگر/24جنوری//وادی کشمیر میں سخت حفاظتی بندوبست کے بیچ فل ڈرس ریہرسل کا اہتمام کیا گیا جبکہ سب سے بڑی تقریب سرینگر کے بخشی سٹیڈیم میں منعقد ہوئی جس میں ڈویژنل کمشنر کشمیر نے پریڈ پر سلامی لی ۔ وائس آ ف انڈیا کے مطابق پوری وادی کشمیر میں سخت حفاظتی انتظامات کے بیچ تمام ضلع ہیڈ کوارٹروں پر فل ڈرس ریہرسل کا اہتمام کیا گیا ۔ اس سلسلے میں سب سے بڑی تقریب سرینگر کے بخشی سٹیڈیم میں منعقد ہوئی جہاںپر ڈویژنل کمشنر کشمیر وی کے بھدوری نے پریڈ پر سلامی لی ۔ اس موقعے پر پولیس ، فورسز اور سکولی بچوں کے دستوں نے پریڈ اوربینڈ بجانے کا اہتمام کیا اور سلامی پیش کی ۔ اس موقعے پر انسپکٹر جنرل آف پولیس (کشمیر رینج( وی کے بردی بھی موجود تھے۔ذرائع نے بتایا کہ تمام ضلع ہینڈ کوارٹروں پر ڈپٹی کمشنروں نے اپنے متعلقہ ضلعی ہیڈکوارٹرز میں فل ڈریس ریہرسل کی صدارت کی۔انہوں نے مزید کہا کہ ریہرسل کے لیے سخت حفاظتی انتظامات کیے گئے بخشی اسٹیڈیم کی نگرانی کےلئے الیکٹرانک آلات بشمول ڈرون کمروںکا بھی استعمال لایا گیا ۔ اس موقعے پر ویڑنل کمشنر بیدھوری نے عوام سے تقریبات میں شرکت کی اپیل کرتے ہوئے کہاکہ لوگوں نے اس تقریب کے لیے بہت محنت کی ہے اور ہم سب سے اس میں شامل ہونے کی درخواست کرتے ہیں۔ ریہرسل کے موقع پر نامہ نگاروں سے بات کرتے ہوئے وادی کے پولیس سربراہ بردی نے کہا کہ پوری وادی میں یوم جمہوریہ کے تناظر میں حفاظت کے غیر معمولی انتظامات کئے گئے ہیں۔انہوںنے کہا کہ پولیس دیگر فورسز کے ساتھ بھی تعاون کر رہی ہے۔ سیکورٹی گرڈ چوکس اور فعال ہے۔انہوں نے کہا کہ سیکورٹی انتظامات سخت ہونے کے باوجود سیکورٹی فورسز کو ہدایات جاری کر دی گئی ہیں تاکہ عام لوگوں کو تقریبات میں شامل ہونے میں کسی قسم کی تکلیف کا سامنا نہ کرنا پڑے۔یہ پوچھے جانے پر کہ کیا موبائل انٹرنیٹ سمیت کوئی پابندیاں ہوں گی، وادی کے پولیس سربراہ نے کہاکہ مجھے نہیں لگتا کہ اس قسم کی صورتحال ہو گی۔’چونکہ یہ 26 جنوری ہے، سب کو مدعو کیا جاتا ہے اور وہ جشن میں حصہ لینے کے لیے آزادانہ طور پر آئیں۔ دریں اثناءگاندربل میں قمریہ سٹیڈیم میں فل ڈرس ریہرسل کااہتمام کیا گیا جس میں پولیس ،فورسز اورسکولی طلبہ نے حصہ لیا۔تقریب میں ڈپٹی کمشنر گاندربل شیامبر اور ڈپٹی ایس پی گاندربل ملک اعجاز بھی اس موقعے پر موجود تھے ۔ ادھر جنوبی ضلع پلوامہ میں بھی یوم جمہویہ کے سلسلے میں فل ڈرس ریہرسل کا اہتمام کیا گیا جس میں ایڈیشنل ڈپٹی کمشنر پلوامہ ڈاکٹر عبدالعزیز شیخ نے پریڈ پر سلامی لی اور قومی پرچم لہرایا۔ ضلع اننت ناگ، کولگام ، شوپیاں ، گاندربل ، بانڈی پورہ، کپوارہ اور ضلع بارہمولہ میں بھی یوم جمہوریہ کی تقریب سے قبل فل ڈرس ریہرسل کااہتمام کیاگیا جس میں پولیس ، بینڈ ، سکولی بچوں کے علاوہ فورسز کے دستوں نے پریڈ کااہتمام کیا اور وہاں پر موجود مہمانان خصوصی نے پریڈ پر سلامی لی ۔
بچیوں کا قومی دن پورے ملک میں منایا گیا