وزیر اعظم نریندر مودی کی قیادت میں، بھارت ڈیجیٹلائزیشن کی طرف کوانٹم چھلانگ لگا رہا ہے۔  امت شاہ

شیلانگ/مرکزی وزیر داخلہ جناب امت شاہ نے آج شیلانگ کے لیتکور میں آسام رائفلز کے ہیڈ کوارٹر میں سائبر سیکورٹی آپریشن سینٹر کا افتتاح کیا۔اس موقع پر اظہار خیال کرتے ہوئے جناب امت شاہ نے کہا کہ وزیر اعظم جناب نریندر مودی کی قیادت میں، بھارت ڈیجیٹلائزیشن کی طرف ایک بڑی چھلانگ لگا رہا ہے۔ انہوں نے کہا کہ مودی حکومت ہر شہری کے لیے انٹرنیٹ کو محفوظ بنا کر سائبر کامیاب معاشرہ بنانے کے لیے پرعزم ہے۔ انہوں نے کہا کہ سائبر جرائم کی روک تھام مودی حکومت کی اولین ترجیح ہے۔مرکزی وزیر داخلہ نے اپنی کارروائیوں کو جدید بنانے میں آسام رائفلز کی کوششوں کی تعریف کی۔ انہوں نے کہا کہ سائبر سیکورٹی آپریشن سینٹر آسام رائفلز وائیڈ ایریا نیٹ ورک  میں نیٹ ورک کی حقیقی وقت کی نگرانی، بیرونی خطرات کو کم کرنے اور سائبر خلاف ورزیوں کی روک تھام کے ذریعے فورس کی سائبر سیکورٹی پوزیشن کو مضبوط بنائے گا۔ سائبر سیکیورٹی آپریشن سینٹر کو 24 x 7 خدمات فراہم کرنے کے لیے جدید ترین نیٹ ورک اور ڈیٹا مانیٹرنگ ڈیوائسز سے لیس کیا گیا ہے۔ جناب شاہ نے فورس کے اندر ہموار اور محفوظ ڈیجیٹل خدمات کو یقینی بنانے میں آسام رائفلز کی مشترکہ کوششوں کی تعریف کی۔تمام سنٹرل آرمڈ پولیس فورسز (سی اے پی ایف( میں یہ مرکز اپنی نوعیت کا پہلا ادارہ ہے۔ موجودہ دور میں بڑھتے ہوئے سائبر حملوں نے اپنے نیٹ ورکس کو ناپاک مداخلت کرنے والوں، ہیکنگ اور دیگر سائبر دراندازیوں سے محفوظ رکھنا ضروری بنا دیا ہے۔ موجودہ بنیادی ڈھانچہ آپریشنز سے وابستہ متنوع پہلوؤں کے انضمام اور انتظام کو قابل بناتا ہے۔