شادی کا جھانسہ دیکر عوام کو لوٹنے والا گروہ بے نقاب

بارہمولہ میں پولیس نے دو جعلسازوں کو سلاخوں کے پیچھے دھکیل دیا
سرینگر /23نومبر / بارہمولہ میں پولیس نے شادی کا جھانسہ دیکر لوگوں کو لوٹنے والے گروہ کو بے نقاب کرتے ہوئے دودھوکہ باز وںکو سلاخوں کے پیچھے دھکیل دیا ہے ۔ ایک اہم پیش رفت میں بارہمولہ میں پولیس نے ڈیسا ڈوڈا کے رہنے والے غلام محمد بٹ کی طرف سے درج کرائی گئی شکایت پر،شادی کے گھوٹالہ میں ملوث 02 افراد کو گرفتار کیا ہے۔پولیس نے تفصیلات فراہم کرتے ہوئے بتایا کہ پولیس چوکی میرگنڈ کو غلام محمد بٹ ولد محمد شریف بٹ ساکنہ ڈیسہ ڈوڈ حال سرےنگر کی طرف سے ایک درخواست موصول ہوئی جس میں کہا گیا ہے کہ اس کے ساتھ ایک شخص محمد قاسم بٹ ولد غلام محمد بٹ ساکنہ گنڈ ابراہیم، تریکولبل نے دھوکہ دہی کی ہے۔ شادی کے بہانے اور اس نے مذکورہ جعلساز کو تقریباً ایک لاکھ 50ہزار روپے کی رقم ادا کی۔ مزید برآں متاثرہ نے الزام لگایا کہ جب اس نے رقم کی وصولی کا مطالبہ کیا تو ملزم محمد قاسم بٹ نے ڈرایا اور سنگین نتائج کی دھمکیاں دیں۔اسی مناسبت سے تھانہ پولےس پٹن میں قانون کی متعلقہ دفعات کے تحت مقدمہ درج کر کے تفتیش شروع کر دی گئی۔تفتیش کے دوران پولیس چوکی میرگنڈ کی ایک پولیس پارٹی نے سخت کوششوں کے ذریعے کامیابی سے سراغ لگا کر بنیادی ملزم محمد قاسم بٹ کو گرفتار کر لیا۔ اس کے علاوہ اس کے ساتھی بھائی نثار احمد بٹ کو بھی اس کیس کے سلسلے میں گرفتار کیا گیا ہے۔ دونوں ملزمان کو تھانے منتقل کر دیا گیا ہے جہاں وہ زیر حراست ہیں۔ کیس کی تفتیش ابھی جاری ہے۔