نئی ہاؤسنگ ٹیکنالوجی 2047 میں  بھارت کے  رہائش کے شعبہ کو نئی  شکل دیں گی۔ ڈاکٹر جتیندر سنگھ

 نئی دلی/مرکزی وزیر مملکت (آزادانہ چارج) سائنس اور ٹیکنالوجی ڈاکٹر جتیندر سنگھ نے آج کہا، نئی ہاؤسنگ ٹیکنالوجیز 2047 میں ہندوستانکے  رہائش کے شعبہ کو نئی شکل دیں گی، جب ہندوستان اپنی آزادی کے 100 سال کا جشن منائے گا۔نئی دہلی میں CSIR-CBRI ٹیکنالوجی ٹرانسفر میلے سے خطاب کرتے ہوئے، ڈاکٹر جتیندر سنگھ نے کہا، سنٹرل بلڈنگ ریسرچ انسٹی ٹیوٹ  نے عالمی معیار کی اور جدید ترین عمارت کی تعمیراتی ٹیکنالوجیز تیار کی ہیں، جو نہ صرف مضبوط اور آب و ہوا اور خشک سالی سے مزاحم ہیں بلکہ عالمی ماحولیاتی اصولوں کے مطابق بھی  ہونگی۔ڈاکٹر جتیندر سنگھ نے کہا، ملک بھر میں 37  سی  ایس آئی آر  لیبز میں سے ہر ایک کی منفرد ٹیکنالوجیز کو ظاہر کرنے کے لیے ان کے ذریعے گزشتہ سال ایک ہفتہ کے ایک لیب پروگرام کا تصور اور افتتاح کیا گیا جس کے مثبت نتائج برآمد ہوئے ہیں کیونکہ CSIR-CBRI نے 75 عمارتوں اور تعمیراتی ٹیکنالوجیز کی نمائش کی۔ آنے والے دنوں میں ایسی 108 ٹیکنالوجیز صنعتوں کو محفوظ، پائیدار اور سستی عمارت کی تعمیر کے لیے دستیاب کرائی جائیں گی۔ڈاکٹر جتیندر سنگھ نے وزیر اعظم نریندر مودی کی سب سے زیادہ بلند حوصلہ جاتی اور سب سے زیادہ ترجیحی اسکیم پردھان منتری آواس یوجنا (PMAY) کو ٹیکنالوجی فراہم کرنے والے کے لحاظ سے اہم بنیاد بننے پر  سی بی آر آئی  کی ستائش کی۔ وزیر موصوف نے  حاضراجتماع کو یاد دلایا کہ جناب مودی نے وزیر اعظم بننے کے بعد یہ وعدہ کیا ہے کہ کچے  گھر میں کوئی بھی ہندوستانی نہیں رہے گا اور تمام مستحقین کے پاس بیت الخلاء اور روشنی کی سہولیات کے ساتھ پکی چھت ہوگی۔ انہوں نے کہا کہ عوامی نمائندے کے طور پر  پردھان منتری آواس یوجنا گھروں میں مقیم غریب مستحقین کے چہروں پر مسکراہٹ دیکھ کر خوشی ہوتی ہے۔ڈاکٹر جتیندر سنگھ نے فولڈ ایبل سالٹ شیلٹرز کو تیار کرنے کے لیے سی بی آر آئی کی بھی تعریف کی، جو موسم اور آگ سے مزاحم ہے اور کہا کہ اس کے بہت بڑے سماجی اثرات ہیں۔ انہوں نے کہا، وزیر اعظم مودی کی تقریباً تمام اصلاحات اور اختراعات اور اقدامات میں سماجی بنیادیں ہیں اور ان کا مقصد عام آدمی کے لیے "زندگی میں آسانی” ہے۔ڈاکٹر جتیندر سنگھ نے کہا کہ یہ شاندار کامیابی CSIR-CBRI، روڑکی کے سائنسدانوں اور محققین کی لگن اور مہارت کا ثبوت ہے اور مزید کہا کہ عمارتی ٹیکنالوجی افراد اور کمیونٹیز کی زندگیوں کی تشکیل میں اہم کردار ادا کرتی ہے۔ انہوں نے کہا، یہ ٹیکنالوجیز انسانوں کے حالات زندگی کو تبدیل کرنے، پائیداری بڑھانے اور لوگوں کی مجموعی فلاح و بہبود کو بہتر بنانے کی طاقت رکھتی ہیں۔ وزیر نے مزید کہا کہ تحقیقی اداروں اور صنعتوں کے درمیان فرق کو ختم کرکے، CSIR-CBRI روڑکی نے سب کے لیے سستی، پائیدار، اور اختراعی رہائش کے وژن کو پورا کرنے کی طرف ایک بڑی چھلانگ لگائی ہے۔ڈاکٹر جتیندر سنگھ نے کہا، "ہاؤسنگ سیکٹر میں آج ہمیں جن چیلنجوں کا سامنا ہے، وہ کثیر جہتی ہیں، جن میں سستی اور پائیداری سے لے کر آفات کی لچک اور توانائی کی کارکردگی تک شامل ہیں۔ تاہم، آج ہمارے پاس جو مہارت اور علم ہے، مجھے یقین ہے کہ ہم ملک میں ان چیلنجوں پر قابو پا سکتے ہیں اور ایک ایسا مستقبل بنا سکتے ہیں جہاں ہر شخص کو محفوظ اور آرام دہ رہائش تک رسائی حاصل ہو۔