سکولوں میں پرائمری سطح تک کے کلاسوں کےلئے سرمائی تعطیلات کا اعلان کیا جائے ۔ والدین کا مطالبہ
سرینگر/18نومبر//وادی کشمیر میں شدید سردی کے نتیجے میں بچوں اور بزرگوں کو کئی طرح کی بیماریوں نے جکڑ لینے کے بعد والدین نے سرکار سے مطالبہ کیا ہے کہ اس سردی کی شدت کو مد نظر رکھتے ہوئے پرائمری سطح تک کے سکولوں کےلئے سرمائی تعطیلات کا اعلان کی جائے کیوں کہ سکولوں میں چھوٹے بچے سردی کی وجہ سے بیمار ہورہے ہیںجبکہ دوپہر کا کھانا بھی سردی سے کافی ٹھنڈا ہوجاتا ہے جس کو کھانے سے بچے بیمار ہورہے ہیں ۔ تفصیلات کے مطابق وادی کشمیر میں موسم سرماءشروع ہونے کے ساتھ ہی دن کے درجہ حرارت میں کافی گراوٹ دیکھی جارہی ہے اور صبح کے اوقات ایک تو سخت سردی محسوس کی جارہی ہے دوسرا سخت دھند ہوتی ہے جس کی وجہ سے چھوٹے بچے اور بزرگوں کو شدید پریشانی ہوتی ہے جبکہ اس سے بچے اور عمر رسیدہ افراد بیماریوں میں مبتلاءہورہے ہیں ۔ اس بیچ سکولی بچوں کے والدین نے کہا ہے کہ سخت سردی کی وجہ سے بچے سکولوں میں نزلہ ، زکام اور کھانسی جیسی بیماریوں کے شکار ہورہے ہیں ۔ والدین کا کہنا ہے کہ سکولوں چھوٹے بچوں کو زیادہ سردی محسوس ہورہی ہے اور دوپہر کے کھانے Lunchکےلئے جو انہیں کھانا دیا جاتا ہے صبح سے دوپہر تک وہ سخت سرد ہوتا ہے اور جب بچے یہ سرد کھانا کھاتے ہیں تو وہ بیمار ہوجاتے ہیں ۔ والدین نے سرکار سے مطالبہ کیا ہے کہ اس سخت سردی کو مد نظر رکھتے ہوئے سکولوں میں پرائمری سطح تک کے کلاسوں کےلئے سرمائی تعطیلات کا اعلان کیا جائے تاکہ بچے اس سردی سے محفوظ رہ سکیں۔ دریں اثناءماہرین امراض اطفال نے اس ضمن میں کہا ہے کہ سخت سردی کے سبب چھوٹے بچوں کو جلد ہی چھاتی متاثر ہوتی ہے کیوں کہ ان کی چھاتی کافی نازک ہوتی ہے اور پھیپڑوں میں سرد ہوا کی وجہ سے ان کئی طرح کے امراض میں مبتلاءہورہے ہیں ۔
