وزیر مملکت مرلی دھرن کا دورہ جاپان اختتام پذیر

 ہند۔ جاپان نے دو طرفہ شراکت داری کے مختلف پہلوؤں پر تبادلہ خیال کیا
نئی دہلی /۔جاپان کے اپنے دورے کے دوران، مرکزی وزیر مملکت برائے امور خارجہ، وی مرلی دھرن نے، ملک کے وزیر برائے خارجہ امور، ایواؤ ہوری کے ساتھ دو طرفہ شراکت کے مختلف پہلوؤں پر نتیجہ خیز بات چیت کی۔  وزیر مملکتمرلی دھرن 8 نومبر کو جاپان پہنچے اور 10 نومبر کو اپنا دورہ ختم کیا  جس دوران باہمی دلچسپی کے موضوعات پر تبادلہ خیالات ہوا۔ وزارت خارجہ امور نے اپنی ریلیز میں کہا وزیر مملکت نے ٹوکیو میں جاپانی کاروباری رہنماؤں کے ساتھ بھی بات چیت کی اور ٹوکیو اور اوساکا میں ہندوستانی کمیونٹی کے اراکین کے ساتھ بات چیت کی۔” میٹنگ کے بعد،  وزیر مملکت مرلی دھرن نے کیوٹو، ہیروشیما اور اوئٹا کے پریفیکچرز کا دورہ کیا اور کیوٹو کے میئر ڈائیساکو کاڈوکاوا اور اویٹا کے گورنر کیچیرو ساتو سمیت سینئر معززین سے بات چیت کی۔ بیان میں مزید کہا گیا کہ جاپان کے ان اہم صوبوں کے ساتھ جاپان کے تعلقات ہیں۔ مرلی دھرن نے اوئٹا میں رٹسومیکن ایشیا پیسیفک یونیورسٹی کا بھی دورہ کیا اور ‘ انڈیا اور ابھرتی ہوئی دنیا’ کے موضوع پر ایک لیکچر دیا۔ انہوں نے طلباء سے بھی بات چیت کی۔  وزیر مملکت نے کیوٹو میں  اوٹانی  یونیورسٹی کا بھی دورہ کیا اور گرودیو رابندر ناتھ ٹیگور کے مجسمے کی نقاب کشائی کی۔ انہوں نے ہیروشیما پیس میموریل اور مہاتما گاندھی کے مجسمے پر بھی خراج عقیدت پیش کیا، جس کی مئی 2023 میں وزیر اعظم نریندر مودی نے نقاب کشائی کی تھی۔