شمالی کوریا نے جاپان کے سمندر میں دو بیلسٹک میزائل داغے

ٹوکیو (یو این آئی/اسپوتنک) جاپان کے وزیر اعظم فومیو کیشیدا نے کہا ہے کہ شمالی کوریا نے جاپان کے سمندر میں دو میزائل داغے اور یہ انتہائی شک ہے کہ یہ پروجیکٹائل بیلسٹک میزائل تھے ۔ شمالی کوریا کی جانب سے داغے گئے میزائل پر تبصرہ کرتے ہوئے جاپانی حکومت کے سربراہ نے کہا کہ “ حقیقت یہ ہے کہ شمالی کوریا نے گزشتہ ماہ سے ایک سیریز میں میزائل لانچ کیے ہیں جو کہ افسوسناک ہے ۔ ابھی تک اس تجربہ کے بعد کسی کے زخمی ہونے یا کسی چیز کو نقصان پہنچنے کی کوئی اطلاع نہیں ہے ۔ کابینہ کے ایک سینئر عہدیدار نے کہا ہے کہ جاپان ان تجربات کے حوالے سے شمالی کوریا کے خلاف احتجاج کرچکا ہے ۔ دریں اثناءجاپان کے وزیر دفاع نوبو کیشی نے کہا ہے کہ شمالی کوریا کے مسلسل میزائل تجربات جاپان سمیت عالمی برادری کے لیے سنگین خطرہ ہیں۔