17600کروڑ روپے کے پروجیکٹوں کی شروعاتوزیراعظم مودی راجستھان اورمدھیہ پردیش میں ترقیاتی پروجیکٹوں کا افتتاح اور سنگ بنیاد رکھیں گے

نئی دہلی، 4 اکتوبر/وزیر اعظم نریندر مودی جمعرات کو راجستھان اور مدھیہ پردیش کا دورہ کریں گے اور 17500 کروڑ روپے سے زیادہ کے ترقیاتی پروجیکٹوں کا افتتاح اور سنگ بنیاد رکھیں گے ۔ تقریباً 03:30 بجے ، وزیر اعظم جبل پور، مدھیہ پردیش پہنچیں گے ، جہاں وہ سڑک، ریل، گیس پائپ لائن، ہا¶سنگ اور پینے کا صاف پانی جیسے شعبوں میں 12,600 کروڑ روپے سے زیادہ مالیت کے قومی ترقیاتی پروجیکٹوں کا افتتاح کریں گے ، سنگ بنیاد رکھیں گے اور انہیں قوم کے لیے وقف کریں گے ۔ وزیر اعظم راجستھان میں صحت کے بنیادی ڈھانچے کو مضبوط بنانے کے لیے اہم پروجیکٹوں کا سنگ بنیاد رکھیں گے ۔ ان پروجیکٹوں میں آل انڈیا انسٹی ٹیوٹ آف میڈیکل سائنسز، جودھپور میں 350 بستروں والا ’ٹراما سینٹر اور کریٹیکل کیئر ہسپتال بلاک‘ اور پردھان منتری آیوشمان بھارت ہیلتھ انفراسٹرکچر مشن (پی ایم- اے بی ایچ آئی ایم) کے تحت سات کریٹیکل کیئر بلاکس شامل ہیں جو پورے راجستھان میں تیار کیے جائیں گے ۔ ایمس جودھپور میں ‘ٹروما، ایمرجنسی اور کریٹیکل کیئر’ کے لیے مربوط مرکز کو 350 کروڑ روپے سے زیادہ کی لاگت سے تیار کیا جائے گا۔ اس میں مختلف سہولیات جیسے زخموں کا علاج ، تشخیص، ڈے کیئر، وارڈز، پرائیویٹ کمرے ، ماڈیولر آپریٹنگ تھیٹر، آئی سی یو اور ڈائیلاسز کے علاقے شامل ہوں گے ۔ یہ مریضوں کو کثیر الجہتی اور جامع دیکھ بھال فراہم کرکے صدمے اور ہنگامی صورت حال کے انتظام میں ایک جامع نقطہ متعارف کرائے گا۔ راجستھان بھر میں سات کریٹیکل کیئر بلاکس ریاست کے لوگوں کو فائدہ پہنچانے والے ضلعی سطح کے اہم نگہداشت کے بنیادی ڈھانچے کو فروغ دیں گے ۔ وزیر اعظم آئی آئی ٹی جودھ پور کیمپس کو بھی قوم کے نام وقف کریں گے ۔ جدید ترین کیمپس 1135 کروڑ روپے سے زیادہ کی لاگت سے بنایا گیا ہے ۔ یہ اعلیٰ معیار کی جامع تعلیم فراہم کرنے اور جدید ترین تحقیق اور اختراعی اقدامات میں سہولت فراہم کرنے والے بنیادی ڈھانچے کی تعمیر کی جانب ایک قدم ہے ۔ راجستھان کی سنٹرل یونیورسٹی میں بنیادی ڈھانچے کو اپ گریڈ کرنے کے لیے ، وزیر اعظم ’سینٹرل انسٹرومینٹیشن لیبارٹری‘، اسٹاف کوارٹرز اور ’یوگا اینڈ اسپورٹس سائنسز کی عمارت‘ قوم کو وقف کریں گے ۔ وہ سنٹرل لائبریری، 600 افراد کی گنجائش والے ہاسٹل اور سنٹرل یونیورسٹی آف راجستھان میں طلباءکے لیے کھانے کی سہولت کا سنگ بنیاد رکھیں گے ۔