روایتی طبی طریقوں کی سائنسی جانچ ضروری

سب کی صحت اور بہبود کیلئے بہتر سمجھ کے ساتھ جائزہ لیا جانا چاہیے : ڈبلیو ایچ او
نئی دہلی/ورلڈ ہیلتھ آرگنائزیشن (ڈبلیو ایچ او) نے روایتی طبی طریقوں کی سخت سائنسی جانچ کی ضرورت پر زور دیتے ہوئے کہا ہے کہ ان کا مجموعی طور پر اور سب کی صحت اور بہبود کے لیے بہتر سمجھ کے ساتھ جائزہ لیا جانا چاہیے ۔ آیوش کی وزارت نے پیر کو یہاں کہا کہ ڈبلیو ٹی او نے ‘پہلی ڈبلیو ایچ او روایتی میڈیسن گلوبل سمٹ 2023’ کا ‘گجرات اعلامیہ’ جاری کیا ہے ۔ وزارت کے مطابق ڈبلیو ٹی او کا گجرات اعلامیہ سب کے لیے صحت اور بہبود کے ہدف کو حاصل کرنے کے لیے عالمی عزم اور روایتی ادویات کی صلاحیت کے استعمال کی تصدیق کرتا ہے ۔ اعلامیہ مقامی علم، حیاتیاتی تنوع اور روایتی، تکمیلی اور مربوط ادویات کے لیے عالمی وعدوں کی تصدیق کرتا ہے ۔ ڈبلیو ایچ او نے کہا ہے کہ روایتی طبی طریقوں کے لیے جامع، سیاق و سباق سے متعلق، بہتر تفہیم، تشخیص اور سخت سائنسی طریقوں کے اطلاق کی ضرورت ہے ۔ اس پر ردعمل ظاہر کرتے ہوئے مرکزی وزیر آیوش سربانند سونووال نے کہا کہ گجرات اعلامیہ روایتی طبی نظاموں کے بارے میں ہمارے قدیم علم کو فروغ دینے کے وزیر اعظم نریندر مودی کے عزم کا ثبوت ہے ۔ ڈبلیو ایچ او کے ڈائریکٹر جنرل ٹیڈروس اگھانم گھبریئس نے کہا کہ گجرات اعلامیہ سائنس میڈیم کے ذریعے روایتی ادویات کی صلاحیت کو بروئے کار لانے کے لیے حوصلہ افزائی کے طور پر کام کرے گا اور قومی صحت کے نظام میں روایتی ادویات کے انضمام پر توجہ مرکوز کرے گا اور روایتی ادویات کی طاقت کو ظاہر کرنے میں مدد کرے گا۔ ورلڈ ہیلتھ آرگنائزیشن اور وزارت آیوش کے ذریعہ 17-18 اگست کو گاندھی نگر، گجرات میں روایتی ادویات پر پہلی عالمی سربراہی کانفرنس کا انعقاد کیا گیا تھا۔