ہماری کوشش چاند پر بھی ترنگا لہرانے کی ہے۔سندھیا

 گوالیار/ مرکزی شہری ہوابازی کے وزیر جیوترادتیہ سندھیا نے کہا ہے کہ چندریان 3 کی کامیابی ہندوستانی سائنسدانوں اور ماہرین کے ذریعہ تخلیق کی گئی ایک عظیم تاریخ ہوگی۔ سندھیا نے منگل کو گوالیار میں نامہ نگاروں سے بات کرتے ہوئے یہ تبصرہ کیا کہ چندریان تھری کی کامیابی ہندوستان کے ماہرین اور سائنس دانوں کی جانب سے تخلیق کی گئی ایک عظیم تاریخ ہوگی، وزیر اعظم نریندر مودی کی قیادت میں ہندوستان نئی بلندیوں کو چھو رہا ہے۔ ہندوستانی پرچم نہ صرف ملک کے اندر بلکہ دنیا بھر میں  عالمی پلیٹ  فارموں پر  بھی لہرا رہا   ہے۔لیکن اب ہماری کوشش ہے کہ چاند پر بھی ہندوستان کا ترنگا لہرایا جائے۔ دریں اثنا، مرکزی وزیر سندھیا نے چندریان 3 کے چاند پر اترنے سے پہلے تمام ماہرین، سائنس دانوں اور پی ایم مودی کو مبارکباد دی۔انڈین اسپیس ریسرچ آرگنائزیشن (اسرو( کے مطابق، چندریان 23 اگست کو چاند پر اترنے والا ہے۔ اس سے پہلے، پیر کو، اسرو کے چیئرمین اور محکمہ خلائی کے سکریٹری، ایس سومانتھ نے قومی دارالحکومت میں مرکزی وزیر جتیندر سنگھ سے ملاقات کی، انہیں چاند پر اترنے کے لیے  ‘چندریان-3’ کی حیثیت اور تیاری سے آگاہ کیا۔اسرو کے چیئرمین نے وزیر کو چندریان 3 کی صحت کی صورتحال کے بارے میں بتایا کہ تمام سسٹم بالکل ٹھیک کام کر رہے ہیں اور چاند کی سطح پر اترنے کی مقررہ تاریخ بدھ کو کسی بھی ہنگامی صورتحال کی توقع نہیں تھی۔ انہوں نے کہا کہ چندریان 3 کی صحت کی مسلسل نگرانی کی جائے گی، انہوں نے مزید کہا کہ لینڈنگ کے آخری سلسلے کی پوری جانچ کی جائے گی۔