سڑک حادثے میں دو غیر مقامی افراد جاں بحق، 9 زخمی

اونتی پورہ/سری نگر-اننت ناگ ہائی وے پر آج صبح بارسو علاقے کے قریب ایک گاڑی کے حادثے کا شکار ہونے کے بعد دو غیر مقامی ممکنہ طور پر مہاجر مزدور یا سیاح ہلاک اور 9 دیگر زخمی ہوگئے۔ذرائع نے بتایا کہ سیاحوں کو لے جانے والی ایک گاڑی کو حادثہ پیش آیا۔ کم از کم 11 غیر مقامی افراد زخمی ہوئے جن میں سے دو ہسپتال لے جاتے ہوئے دم توڑ گئے۔اسپتال ذرائع نے بتایا کہ ایس ایم ایچ ایس اسپتال میں چھ افراد کو لایا گیا ہے جن کا علاج کیا جارہا ہے۔ابھی تک اس بات کی تصدیق نہیں ہو سکی ہے کہ ہلاک ہونے والے تارکین وطن مزدور ہیں یا سیاح۔ایک پولیس افسر نے حادثے میں دو افراد کی موت کی تصدیق کی۔ مزید تفصیلات کا انتظار ہے۔