ہم اس مہینے کے نتائج کا اعلان کرنے کی پوری کوشش کریں گے:ناظم تعلیم کشمیر
حکام نے منگل کو کہا کہ بورڈآف اسکول ایجوکیشن کی جانب سے ممکنہ طور پر ایک ماہ کے اندر 10ویں اور 12ویں جماعت کے سالانہ باقاعدہ امتحانات کے نتائج کا اعلان کیاجائے گا۔محکمہ اسکولی تعلیم کشمیر کے ڈائریکٹر تصدق حسین میر نے منگل کو نامہ نگاروں سے بات کرتے ہوئے کہاکہ ابھی تک، ہم ہارڈ زون کے جوابی اسکرپٹس(پرچوں) کی جانچ کا انتظار کر رہے ہیں۔انہوں نے کہا کہ دسویں اور بارہویں جماعت کے امتحانات کا عمل مشکل میں ختم ہونے کو ہے اور محکمہ تعلیم تمام عمل کو جلد از جلد مکمل کرنے کی بھرپور کوشش کر رہا ہے۔ڈائریکٹر اسکول ایجوکیشن ڈیپارٹمنٹ کشمیرنے کہاکہ ہم نے نرم علاقوں کی تشخیص تقریباً مکمل کر لی ہے۔ انہوںنے کہاکہ ہم اس مہینے کے نتائج کا اعلان کرنے کی پوری کوشش کریں گے ۔خیال رہے جموں وکشمیرمیں پہلی مرتبہ ایک ساتھ سبھی20اضلاع میں دسویں اور بارہویں جماعت کے سالانہ امتحانات مارچ،اپریل2023میں منعقدکئے گئے ،جن میں ہزاروں طلباءاور طالبات نے شرکت کی ۔