معدنیات کی غیر قانونی نکال پرپولیس نے کلگام میں 04 گاڑیاں ضبط، 04 افراد کو گرفتار کیا

سرینگر02 اپریل:معدنیات کی غیر قانونی نکالنے اور نقل و حمل میں ملوث افراد کے خلاف سخت کارروائی کرتے ہوئے، پولیس نے کلگام میں 04 گاڑیاں ضبط اور 04 افراد کو گرفتار کیا ہے۔انچارج پولیس پوسٹ میر بازر کی قیادت میں ایک پولیس پارٹی نے NHW 44 پر گشت کے دوران معدنیات کی غیر قانونی نکالنے اور نقل و حمل میں ملوث چار افراد جن کی شناخت عمر علی مسیگر ولد علی محمد مسیگر ساکن متان،طاہر احمد ڈار ولد محمد یوسف ڈارساکن اوگام ،دلاور احمدبٹ ولد غلام محی الدین بٹ ساکن اخرم اور شبیر احمد بٹ ولد غلام محمد بٹ ساکن نیپورہ کو گرفتار کیا اور چار گاڑیاں جس میں 2ڈمپر 01ٹپر01ٹکٹر ضبط کر لیں۔ انہیں تھانے منتقل کر دیا گیا ہے جہاں وہ زیر حراست ہیں۔اس کے مطابق، قانون کی متعلقہ دفعات کے تحت پولیس اسٹیشن قاضی گنڈ میں ایف ائی ار 56/2023کو درج کر کے مزید تحقیقات شروع کردی گئی ہے۔ غیر قانونی کان کنی کی سرگرمیوں میں ملوث پائے جانے والے افراد کے خلاف قانون کے مطابق کارروائی کی جائے گی۔