رام بن میں گاڑی گہری کھائی میں جاگری ، کولگام کے شخص کی موت

پنتھال رام بن میں پہاڑی سے پتھر گرآنے کی وجہ سے تین افراد زخمی
وزارت دفاع کے ایک اعلیٰ اہلکار کی رام بن سڑک حادثے میںموت واقع ہوئی ہے ۔ مہلوک اہلکار ضلع کوگام سے تعلق رکھتا تھا۔ادھر جموں سری نگر قومی شاہراہ پر ضلع رام بن میں بانہال کے چملواس علاقے میں پہاڑی سے پتھر گرآنے کے نتیجے میں تین غیر ریاستی افراد زخمی ہوئے ہیں۔اطلاعات کے مطابق جنوبی کشمیر کے کولگام ضلع کا ایک شخص جو وزارت دفاع کے ساتھ کام کر رہا تھامنگل کی صبح رام بن کے ماروگ علاقے میں اپنی گاڑی گہری کھائی میں گرنے سے ہلاک ہو گیا۔ذرائع نے بتایا کہ کولگام ضلع سے تعلق رکھنے والاسرفراز احمد بٹاپنی گاڑی میں سفر کررہا تھا کہ اس کی گاڑی ماروگ کے مقام پر گہری کھائی میں جاگری جس کے نتیجے میں اس کی موت واقع ہوئی ہے ۔ انہوں نے کہا کہ حادثے کے فوراً بعد پولیس اور کیو آر ٹی رامبن کے رضاکاروں نے ریسکیو آپریشن شروع کیا اور اس کی لاش کو برآمد کیا۔”وہ وزارت دفاع کے ونگ کے ساتھ کام کر رہا تھا جیسا کہ جائے حادثہ سے برآمد ہونے والے شناختی کارڈ میں دکھایا گیا ہے۔دریں اثناءسرینگر جموں شاہراہ پر رام بن کے قریب نزدیکی پہاڑی سے پتھر گرآنے کے نتیجے میں تین غیر ریاستی افراد زخمی ہوئے ہیں ۔ ذرائع نے بتایا کہ گاڑی – ایک ٹیمپو ٹریولر – ادھم پور سے بانہال جا رہی تھی جب وہ پتھروں کی زد میں آ گئی۔