صحت یاب ہونےوالوں کی تعداد میں دوبارہ اضافہ ، شفایابی کی شرح 97.78 فیصد

نئی دہلی(یو این آئی) ملک میں کورونا وائرس کے انفیکشن سے صحتیاب ہونے والوں کی تعداد میں دو دنوں تک کمی درج کیے جانے کے بعد گزشتہ 24 گھنٹوں کے دوران ایک بار پھر اضافہ ہوا ہے ، جس سے شفایابی کی شرح بڑھ کر 97.78 فیصد ہو گئی ہے ۔ دریں اثنا ملک میں جمعرات کو 72 لاکھ 20 ہزار 642 افراد کو کورونا کے ٹیکے لگائے گئے ہیں اور اب تک 84 کروڑ 15 لاکھ 18 ہزار 26 افراد کو ٹیکے لگائے جا چکے ہیں ۔ مرکزی وزارت صحت کی جانب سے جمعہ کی صبح جاری کردہ اعداد و شمار کے مطابق گزشتہ 24 گھنٹوں کے دوران کورونا کے 31382 نئے کیسز کی تصدیق کی گئی ، جس کی وجہ سے متاثرہ افراد کی تعداد بڑھ کر تین کروڑ 35 لاکھ 94 ہزار 803 ہو گئی ہے ۔ دریں اثنا 32542 مریضوں کے صحتیاب ہونے سے کورونا سے نجات پانے والوں کی تعداد تین کروڑ 28 لاکھ 48 ہزار 273 ہو گئی ہے ۔ ایکٹو کیسز 1478 کم ہو کر تین لاکھ 162 رہ گئے ہیں۔ وہیں مزید 318 مریضوں کی موت ہونے سے مرنے والوں کی تعداد بڑھ کر 446368 ہو گئی ہے ۔ ملک میں شفایابی کی شرح بڑھ کر 97.78 فیصد ہو گئی ہے اورایکٹو کیسز کی شرح 0.89 پرآ گئی ہے جبکہ شرح اموات 1.33 فیصد رہ گئی ہے ۔ ایکٹو کیسز کے معاملے میں کیرالہ ابھی ملک کے پہلے نمبر پر ہے ، حالانکہ گزشتہ 24 گھنٹوں کے دوران یہاں 980 ایکٹو کیسز میں کمی آئی ہے جس سے ان کی تعداد 160616 رہ گئی ہے ۔ وہیں 20510 مریضوں کے صحتیاب ہونے سے کورونا سے نجات پانے والوں کی تعداد بڑھ کر 4394476 ہوگئی ہے ۔ اسی عرصے میں 152 مریضوں کی موت ہونے سے مرنے والوں کی تعداد بڑھ کر 24191 ہوگئی ہے ۔ مہاراشٹر میں ایکٹو کیسز 791 کم ہو کر 42753 رہ گئے ہیں جبکہ مزید 61 مریضوں کی موت کی موت ہونے سے مرنے والوں کی تعداد بڑھ کر 138725 ہو گئی ہے ۔ وہیں 4050 لوگوں کے صحتیاب ہونے سے کورونا کو شکست دینے والوں کی تعداد بڑھ کر 6353079 ہوگئی ہے ۔ قومی دارالحکومت میں ایکٹو کیسز 22 بڑھ کر 433 ہو گئے ہیں جبکہ صحتیاب ہونے والوں کی تعداد 1413116 ہو گئی ہے ۔ یہاں کورونا وبا کی وجہ سے 25085 افراد کی موت ہو گئی ہے ۔ کرناٹک میں کورونا کے ایکٹو کیسز 31 کم ہو کر 13619 رہ گئے ہیں۔ ریاست میں مزید 15 مریضوں کی موت ہونے سے مرنے والوں کی تعداد 37683 ہو گئی ہے ۔ ریاست میں اب تک 2919742 مریض صحتیاب ہو چکے ہیں۔