جموں ۔24؍ جنوری/یوم جمہوریہ 2023 کی فُل ڈریس ریہرسل منگل کو یہاں ایم اے اسٹیڈیم جموں میں حب الوطنی کے جذبے کے ساتھ اور سخت حفاظتی انتظامات کے درمیان منعقد ہوئی۔آرمی، سی آر پی ایف، جے کے پی، ایس ایس بی، این سی سی کیڈٹس اور اسکول کے طلباء نے شاندار مارچ پاسٹ پیش کیا۔ڈویژنل کمشنر جموں رمیش کمار نے پریڈ کا معائنہ کیا اور سلامی لی۔جے اینڈ کے اکیڈمی آف آرٹ کلچر اینڈ لینگوئجز کے اسکولی بچوں اور فنکاروں نے ایک رنگا رنگ ثقافتی پروگرام پیش کیا جس میں تھیم پر مبنی پیشکشیں پیش کی گئیں۔جموں و کشمیر پولیس کے ڈیئر ڈیولز نے شاندار کرتب پیش کرکے حاضرین کو حیران کردیا۔جے اینڈ کے اسپورٹس کونسل کے کھلاڑیوں نے بھی شاندار جمناسٹک پرفارمنس پیش کی۔ ثقافتی پیشکشوں میں جموں کشمیر کی جامع ثقافت، سماج کے کمزور طبقوں کی سماجی اور معاشی آزادی کے لیے حکومتی اقدامات کو دکھایا گیا۔ اس میں حب الوطنی پر مبنی پریزنٹیشنز، لوک موسیقی اور رقص بھی پیش کیا گیا۔محکمہ سماجی بہبود، محکمہ انفارمیشن ٹکنالوجی، جے اینڈ کے رورل لائیولی ہڈ مشن (امید)نے اپنی کامیابیوں اور اقدامات کی عکاسی کرتے ہوئے ثقافتی پریزنٹیشنز بھی پیش کیں۔دیگر کے علاوہ ایڈیشنل ڈائرکٹر جنرل آف پولیس مکیش سنگھ۔ ڈپٹی کمشنر، جموں، اونی لواسا، اس موقع پر جوائنٹ ڈائریکٹر انفارمیشن سپنا کوتوال کے علاوہ محکمہ جات کے سربراہان اور دیگر سول اور پولیس افسران موجود تھے۔