دنیا میں جان لیوا کووڈ 19سے 46.91 لاکھ سے زائد ہلاکتیں

واشنگٹن ایجنسیز/ دنیا بھر میں کورونا وائرس (کووڈ 19) کی ہلاکت خیزی جاری ہے اور اس جان لیوا وبا سے اب تک دنیا میں 46.91 لاکھ سے زائد افراد ہلاک ہوچکے ہیں اور اس ہلاکت خیز وبا سے متاثر ہونے والے لوگوں کی کی تعداد 22.85 کروڑ سے تجاوز کرچکی ہے ۔ اب تک دنیا میں 5.90 ارب افراد کو کورونا کی ویکسین دی جا چکی ہے ۔ امریکہ کی جان ہاپکنز یونیورسٹی کے سینٹر فار سائنس اینڈ انجینئرنگ (سی ایس ایس ای ) کے جاری کردہ تازہ ترین اعداد و شمار کے مطابق دنیا کے 192 ممالک اور خطوں میں کورونا متاثرہ افراد کی تعداد بڑھ کر 22 کروڑ 85 لاکھ 40 ہزار 37 جبکہ 46 لاکھ 91 ہزار 543 لوگ اس وبا کی وجہ سے اپنی جانیں گنوائی ہیں۔ دنیا میں سب سے زیادہ اور بری طرح متاثر امریکہ میں کورونا وائرس کی زد میں آنے کا سلسلہ جاری ہے ۔ یہاں متاثرین کی تعداد 4.20 کروڑ سے تجاوز کرچکی ہے اوراب تک 6.73 لاکھ سے زیادہ لوگ ہلاک ہوچکے ہیں۔ کورونا سے متاثرہ افراد کے لحاظ سے ہندوستان دنیا میں دوسرے اور مرنے والوں کے لحاظ سے تیسرے نمبر پر ہے ۔ برازیل اب کورونا وائرس متاثر ہونے کے لحاظ سے دنیا میں تیسرے نمبر پر ہے اور یہاں کورونا وائرس کے کیسز دوبارہ بڑھ رہے ہیں اور اب تک دو اعشاریہ ایک کروڑ سے زائد لوگ اس سے متاثر ہوئے ہیں ، جبکہ 5.90 لاکھ سے زائد مریض ہلاک ہو چکے ہیں۔ روس میں اب تک 71.70 لاکھ سے زائد افراد کورونا وائرس سے متاثر ہو ئے جبکہ 194671 مریض ہلاک ہو چکے ہیں۔ فرانس میں کورونا سے متاثرہ افراد کی تعداد 70.43 لاکھ سے تجاوز کر گئی ہے اور اس کی وجہ سے 116696 افراد ہلاک ہو چکے ہیں۔ ایران میں کورونا وائرس کے متاثرین کی تعداد 54.24 لاکھ سے زیادہ ہوگئی ہے اور اموات کی تعداد 117182 تک پہنچ گئی ہے ۔ ترکی میں کورونا وائرس متاثرین کی مجموعی تعداد 68.47 لاکھ سے تجاوز کر گئی ہے اوراب تک 61574 افراد ہلاک ہو چکے ہیں۔ اسپین میں 49.29 لاکھ سے زیادہ لوگ اس جان لیوا وبا سے متاثر ہوئے ہیں اور 85783 افراد ہلاک ہوچکے ہیں۔ انڈونیشیا میں کورونا کے ڈیلٹا ویرینٹ کے بہت تیزی سے پھیلنے کی وجہ سے صورتحال بہت خراب ہو گئی ہے ۔