چار مکان خاکستر ، فائر مین سمیت تین افراد زخمی
شہر خاص کے پتلی پورہ چھتہ بل میں آگ کی ایک بھیانک واردات کے دوران چار رہائشی مکان خاکستر ہوئے جبکہ آگ بجھان نے کی کارروائی کے دوران فائر مین سمیت تین افراد زخمی ہوئے ہیں۔اطلاعات کے مطابق پائین شہر کے گنجان آبادی والے علاقے پتلی پورہ چھتہ بل میں اتوار کی صبح رہائشی مکان سے آگ نمودا رہوئی جس نے آناً فاناً اپنے متصل مزید تین مکانوں کو لپیٹ میں لے لیا۔ نمائندے نے بتایا کہ مقامی لوگوں اور فائر اینڈ ایمرجنسی عملے کی برقت کارروائی کے نتیجے میں گرچہ آگ پر قابو پایا گیا تاہم آتشزدگی کی اس واردات کے دوران چار رہائشی مکان جل کر خاک ہوئے۔ انہوں نے بتایا کہ آگ بجھانے کی کارروائی کے دوران فائر مین ، خاتون سمیت تین افراد زخمی ہوئے ہیں۔ فائر اینڈ ایمرجنسی کے ایک سینئر آفیسر نے بتایا کہ پتلی پورہ چھتہ بل میں توار صبح دس بجے کے قریب آگ نمودار ہوئی اور فوری طورپر محکمہ کے اہلکار جائے موقع پر پہنچے ۔ انہوں نے بتایا کہ چھ فائر ٹینڈروں کی مدد سے آگ پر قابوپایا گیا۔ اُن کے مطابق آگ کی اس واردات کے دوران تین رہائشی مکان خاکستر جبکہ ایک کو جزوی نقصان پہنچا، پولیس نے آگ لگنے کی وجوہات جاننے کی خاطر کیس درج کرکے مزید تحقیقات شروع کی۔