ایلجی سنہا نے امرناتھ شرائن بورڈ کی میٹنگ کی صدارت کی

نئی دہلی ۔4؍ دسمبر۔ ۔ جموں و کشمیر کے لیفٹیننٹ گورنر منوج سنہا نے ہفتہ کو دہلی میں امرناتھ جی شرائن بورڈ  کی 43ویں میٹنگ کی صدارت کی اور کہا کہ ان کی انتظامیہ کسی پریشانی سے پاک یاترا کو یقینی بنانے کے لئے پرعزم ہے۔ سرکاری بیان کے مطابق، اراکین نے میٹنگ کے دوران مختلف جاری اور آنے والے منصوبوں پر تبادلہ خیال کیا۔ میٹنگ میں بتایا گیا کہاس سال، 3.65 لاکھ یاتریوں نے 30 جون سے 11 اگست تک جنوبی کشمیر کے ہمالیہ میں واقع 3,880 میٹر بلند مقدس  گپھا کے درشن کئے۔ بورڈ کو مطلع کیا گیا کہ بارڈر روڈز آرگنائزیشن  کو یاترا ٹریک کے دونوں حصوں کو بحال کرنے اور برقرار رکھنے کے لئے کہا گیا ہے۔ یاترا ٹریک کے دونوں حصوں کی بحالی اور دیکھ بھال کو موثر اور بروقت ٹھکانے لگانے کے لیے بی آر او کے حوالے کر دیا گیا ہے۔ اسکول آف پلاننگ اینڈ آرکیٹیکچر، نئی دہلی کے پروفیسر مندیپ سنگھ نے یاتری نواس اور ڈیزاسٹر کے لیے پروجیکٹ کی تجویز پر پاور پوائنٹ پریزنٹیشن دی۔ مینجمنٹ سنٹر جموں کے گاؤں مجین میں تعمیر کیا جائے گا۔  میٹنگ میںبورڈ کے اراکین سوامی اودھیشانند گری جی مہاراج، ڈی سی رائنا، کیلاش مہرا سادھو، کے این رائے، کے این شریواستو، پیتامبر لال گپتا، ڈاکٹر شیلیش رینا، پروفیسر وشوامورتی شاستری، منجو گرگ، ڈاکٹر ارون کمار مہتا، چیف سکریٹری وجے کمار بیدھوری، پرنسپل ریذیڈنٹ کمشنر موجود تھے۔