سڑک حادثے میں زخمی ہوانوجوان36روز بعدزندگی کی جنگ ہارگیا

وسطی کشمیر کے گاندربل ضلع کے کنگن علاقے میں سڑک حادثے میں زخمی ہونے والا ایک نوجوان جمعرات کو زخموں کی تاب نہ لاتے ہوئے ایک ماہ سے زائد عرصے بعد چل بسا۔اطلاعات کے مطابق کھنن کنگن کاایک 21سالہ نوجوان گزشتہ ماہ چیک پرنگ علاقہ میں ہوئے ایک سڑک حادثے میں زخمی ہوا تھا۔ذرائع نے بتایاکہ زخمی نوجوان قیصر احمد ماگرے ولد غلام رسول ماگرے کوSKIMSمنتقل کیاگیا،جہاں وہ گزشتہ 36دنوں سے زیرعلاج تھا تاہم جمعرات کی صبح وہ زخموں کی تاب نہ لاتے ہوئے چل بسا۔