ملک میں کورونا کے 203 نئے ایکٹو معاملوں کی تصدیق

نئی دہلی، 03 نومبر (یو این آئی) گزشتہ 24 گھنٹوں میں ملک کی دس ریاستوں اور دو مرکز کے زیر انتظام علاقوں میں کورونا وائرس (کووڈ-19) کے 203 فعال معاملوں میں اضافہ ہوا ہے ۔مرکزی وزارت صحت و خاندانی فلاح و بہبود نے جمعرات کو کہا کہ صبح 7 بجے تک 219 کروڑ 67 لاکھ سے زیادہ ویکسین دی گئی ہیں۔ اس دوران ملک میں کورونا کے 1316 نئے معاملے سامنے آئے ہیں جس سے متاثرہ افراد کی تعداد 44657149 ہو گئی ہے اور اسی عرصے میں 1457 افراد کورونا سے صحتیاب ہو چکے ہیں جس کی وجہ سے اب کورونا سے صحت یاب ہونے والوں کی کل تعداد 4,41,10,590 ہوگئی ہے اور صحتیاب ہونے کی شرح 98.78 فیصد ہے ۔ وزارت نے کہا کہ اس دوران ملک میں کورونا وبا سے چار مریضوں کی موت ہوئی، جس کی وجہ سے اب ملک میں اموات کی تعداد بڑھ کر 530461 ہو گئی ہے ۔ شرح اموات 1.19 فیصد ہے ۔وزارت کے مطابق مہاراشٹر میں سب سے زیادہ 92 ہیں، اس کے بعد راجستھان میں 44، گجرات میں 40 ایکٹو کیسز اور 203 نئے ایکٹو کیسز کی تصدیق 10 ریاستوں اور دو مرکز کے زیر انتظام علاقوں میں ہوئی ہے ۔کیرالہ میں 32 ایکٹو کیسز کم ہو کر 3116 ہو گئے ہیں۔ اس وبا سے چھٹکارا پانے والوں کی کل تعداد 6747899 ہوگئی ہے اور مرنے والوں کی تعداد 71393 پر مستحکم ہے ۔مہاراشٹر میں کورونا وبا کے ایکٹو کیسز 92 سے بڑھ کر 1658 ہو گئے ہیں اور اس وبا سے چھٹکارا پانے والوں کی تعداد بڑھ کر 7982418 ہو گئی ہے ، اس دوران دو مریضوں کی موت سے مرنے والوں کی تعداد بڑھ کر 148389 ہو گئی ہے ۔گجرات میں 40 معاملوں کے اضافے کے ساتھ اب ان کی تعداد بڑھ کر 423 ہو گئی ہے ۔ اس وبا سے چھٹکارا پانے والوں کی کل تعداد 1265434 ہو گئی ہے اور مرنے والوں کی تعداد 11039 ہے ۔ قومی راجدھانی میں کووڈ-19 انفیکشن کے 47 معاملوں میں کمی کے ساتھ فعال معاملوں کی تعداد کم ہو کر 306 پر آ گئی ہے اور اب تک 1979,509 لوگ اس وبا سے صحتیاب ہوچکے ہیں اور مرنے والوں کی تعداد 26509 پر برقرار ہے ۔