کئی ریاستوں میں کورونا کے معاملوں میں کمی

صحت یاب ہونےوالوں کی مجموعی تعداد بڑھ کر 44082064 ہو گئی
نئی دہلی، 20 اکتوبر (یو این آئی) ملک میں گزشتہ دنوں کے مقابلے میں جمعرات کو کئی ریاستوں میں کووڈ-19 کے معاملات میں کمی آئی ہے ، جو کہ راحت کی بات ہے ۔ گزشتہ 24 گھنٹے میں 2579 افراد کورونا سے صحت یاب ہوئے ہیں، جس کے باعث اب کورونا سے صحت یاب ہونے والوں کی مجموعی تعداد بڑھ کر 44082064 ہو گئی ہے ، صحت یابی کی شرح 98.76 فیصد ہے ۔ مرکزی وزارت صحت اور خاندانی بہبود نے جمعرات کو کہا کہ صبح 7 بجے تک 219.46 کروڑ ویکسین لگائی گئیں۔ گزشتہ 24 گھنٹوں میں ملک میں کورونا وائرس (کووڈ-19) کے 2141 نئے کیسز سامنے آئے ہیں، جس کی وجہ سے اب ملک بھر میں اس وبا میں مبتلا افراد کی تعداد بڑھ کر 44636517 ہو گئی ہے ۔ وزارت نے بتایا کہ گزشتہ 24 گھنٹے میں کورونا وبا سے سات مریضوں کی موت ہوئی جس کے بعد اموات کی تعداد 528943 تک پہنچ گئی ہے ۔ فعال شرح 0.06 فیصد اورشرح اموات 1.19 فیصد ہے ۔ انہوں نے کہا کہ گزشتہ 24 گھنٹے کے دوران نو ریاستوں اور ایک مرکز کے زیر انتظام علاقے میں کورونا وائرس (کووڈ-19) وبا کے معاملات میں اضافہ ہوا ہے اور اس دوران دیگر ریاستوں اور خطوں میں کورونا کے معاملات میں کمی آئی ہے ۔ گزشتہ 24 گھنٹے کے دوران کیرالہ میں بھی 144 ایکٹیو کیسز کم ہونے سے متاثرہ افراد کی تعداد 4439 رہ گئی ہے ۔ اس وبا سے چھٹکارا پانے والوں کی کل تعداد 6742473 ہوگئی ہے ۔ اسی عرصے میں مرنے والوں کی تعداد 71334 پر مستحکم ہے ۔ تمل ناڈو میں کورونا وبا کے 161 کیسز کم ہونے سے ریاست میں ایکٹو کیسز کی تعداد کم ہو کر 3865 رہ گئی ہے اور اس وبا سے چھٹکارا پانے والوں کا اعدادوشمار بڑھ کر 3547868 ہو گیا ہے اور اس دوران ایک مریض کی موت سے اموات کی تعداد 38048 ہے ۔ کرناٹک میں کووڈ-19 انفیکشن کے 65 معاملے بڑھ کر 3087 ہو گئے ہیں۔ اس وبا سے صحت یاب ہونے والوں کی کل تعداد 4023924 اور مرنے والوں کی 40295 ہو گئی ہے ۔ قومی راجدھانی میں بھی گزشتہ 24 گھنٹے کے دوران 12 ایکٹو کیسز میں کمی کی وجہ سے متاثرہ افراد کی تعداد کم ہو کر 488 ہو گئی ہے ۔ اس وبا سے چھٹکارا پانے والوں کی کل تعداد 1978217 ہوگئی ہے ۔ اسی عرصے میں مرنے والوں کا اعدادوشمار 26506 پر برقرار ہے ۔ مغربی بنگال میں چھ ایکٹو کیسز کی کمی کے ساتھ ہی متاثرین کی تعداد کم ہو کر 1407 رہ گئی ہے ۔ اس وبا سے نجات پانے والوں کی کل تعداد 2094372 اور اسی عرصے میں ایک مریض کی موت کے بعد ہلاکتوں کی تعداد 21525 ہو گئی ہے ۔ اڈیشہ میں گزشتہ 24 گھنٹوں میں 12 فعال کیسز کم ہو کر 475 ہو گئے ہیں۔ اس وبا سے صحت یاب ہونے والوں کی کل تعداد بڑھ کر 1325958 ہو گئی ہے اور مرنے والوں کی تعداد 9202 ہو گئی ہے ۔