جموں و کشمیر کا درجہ پچھلے پانچ سالوں میں 17 سے 8 تک بہتر ہوا ۔ مرکزی وزیر ڈاکٹر سبھاش
سرینگر/16اکتوبر//مرکزی وزیر مملکت تعلیم ڈاکٹر سبھاش نے کہا ہے کہ جموں کشمیر میں کافی بہتری دیکھنے کو مل رہی ہے جس کے نتیجے میںیہاں تعلیمی شعبہ پر بھی کافی مثبت اثرارت مرتب ہوئے ہیں۔انہوںنے بتایا کہ جموں کشمیر تعلیمی درجہ بندے میں ملک میں 8ویںدرجے پر پہنچ چکا ہے جو کہ پہلے 17ویں نمبر پر تھا ۔ انہوںنے بتایا کہ مرکزی سرکار یوٹی میں معیاری تعلیم کی فراہمی کےلئے کےلئے کام کررہی ہے ۔ تعلیم کے مرکزی وزیر مملکت ڈاکٹر سبھاش سرکار نے آج کشمیر کا اپنا تین روزہ دورہ مکمل کیا۔ وہ مرکزی حکومت کے پبلک آو ¿ٹ ریچ پروگرام کے تیسرے مرحلے کے ایک حصے کے طور پر وادی میں تھے۔اپنے دورے کے اختتام پر میڈیا سے خطاب کرتے ہوئے ڈاکٹر نے جموں و کشمیر میں تعلیم کے شعبے میں مجموعی ترقی پر اطمینان کا اظہار کیا۔انہوں نے کہا کہ جموں و کشمیر میں ایک تحریک چل رہی ہے جس کی توجہ صرف تعلیم پر نہیں بلکہ طلباءکی ہمہ جہت ترقی پر مرکوز ہے جسے دیکھ کر بہت خوشی ہوتی ہے۔ڈاکٹر سرکار نے کہا کہ یوٹی کو تعلیم کے لیے ملنے والے فنڈز پچھلے دو سالوں میں 8,000 کروڑ روپے سے بڑھ کر 9,600 کروڑ روپے ہو گئے ہیں، جو خطے کے لیے فخر کی بات ہے۔وزیر موصوف نے اجتماع کو یہ بھی بتایا کہ قومی کامیابیوں کے سروے کے مطابق جموں و کشمیر کا درجہ پچھلے پانچ سالوں میں 17 سے 8 تک بہتر ہوا ہے، یہ جان کر بہت خوشی ہوئی ہے۔ انہوں نے کہا کہ یہ یوٹی کے لئے کافی بہتری ہے۔انہوں نے یہ بھی کہا کہ جموں کشمیر میں کلاس 10 کے پاس فیصد میں تین فیصد پوائنٹس کا اضافہ ہوا ہے۔ انہوں نے کہا کہ پاس فیصد میں 3.4 فیصد اضافہ ریکارڈ توڑنے سے کم نہیں۔ڈاکٹر سرکارسبھاش نے سرکاری اسکولوں میں بچوں کے داخلے میں اضافے پر خوشی کا اظہار کیا جو کہ پچھلے دو سالوں میں کافی بڑھ گیا ہے۔ انہوں نے یہاں کے زیادہ سے زیادہ اسکولوں میں سمارٹ کلاس رومز کے قیام پر بھی اطمینان کا اظہار کیا۔قومی تعلیمی پالیسی (این ای پی) کے بارے میں بات کرتے ہوئے وزیر نے بنیادی ڈھانچے کے قیام میں پیش رفت کی رفتار پر خوشی کا اظہار کیا اور کہا کہ کشمیر میں حالیہ کچھ عرصے میں پرائمری سطح پر 70,000 نئے اندراج ریکارڈ کیے گئے ہیں۔ڈاکٹر سرکار نے یہ بھی کہا کہ NEP کے حوالے سے قومی نصاب کا فریم ورک ملک میں بہت جمہوری ہے اور نظام کی بہتری کے لیے طلباءاور ان کے والدین سمیت تمام اسٹیک ہولڈرز سے تجاویز لی جاتی ہیں۔اعلی تعلیم کے تناظر میں، وزیر نے کہا کہ یوٹی میں ایک بین ڈسپلنری نقطہ نظر متعارف کرایا گیا ہے جس سے طلباءکو ملک کے دوسرے حصوں سے اپنے ہم منصبوں سے مقابلہ کرنے میں مدد ملے گی۔اپنے دورے کے دوران ڈاکٹر سرکار نے کولگام میں 100 بستروں والے گجر اور بکروال ہاسٹل کا سنگ بنیاد بھی رکھا۔ انہوں نے کہا کہ طلباءکی تعلیمی اور غیر نصابی سرگرمیوں میں شرکت میں خاطر خواہ بہتری آئی ہے۔ڈاکٹر سرکار نے بعد میں ملک میں 75 ڈیجیٹل بینکنگ یونٹس کے افتتاح میں حصہ لیا۔
