پلوامہ میں غیرمسلح نوجوان کی ہلاکت قابل مذمت
واقعہ کی فوری، معتبر اور شفاف تحقیقات ہونی چاہئے/: عمر عبداللہ
جموں وکشمیر نیشنل کانفرنس کے نائب صدر عمر عبداللہ نے پلوامہ میں ایک غیر مسلح نوجوان کی ہلاکت کی شدید الفاظ میں مذمت کی ہے اور واقعہ کی تحقیقات کا مطالبہ کیاہے۔ انہوں نے اپنے ایک بیان میں مہلوک آصف کے لواحقین خصوصاً والدین کیساتھ دلی تعزیت اور اُن کے ساتھ شریک غم ہونے کا اظہار کیا۔ انہوں نے کہا کہ ’حادثاتی گولی‘ کے واقعہ کی دلیل میں کتنی سچائی ہے اس کا پتہ لگانا ضروری ہے اور اس کیلئے فوری، معتبر اور شفاف تحقیقات ہونی چاہئے اور ذمہ داروں کو سزا ملنی چاہئے۔ پارٹی جنرل سکریٹری حاجی علی محمد ساگر، صوبائی صدر ناصر اسلم وانی، رکن پارلیمان حسنین مسعودی، زون صدر ڈاکٹر بشیر احمد ویری، ترجمان عمران نبی ڈار اور ضلع صدر پلوامہ حاجی غلام محی الدین میر نے بھی واقعہ کی شدید الفاظ میں مذمت کی ہے اور تحقیقات کا مطالبہ کیا ہے۔