پلوامہ کے ہال علاقے میں حادثاتی گولی چلنے سے نوجوان ہلاک

پولیس اہلکار کی گرفتاری عمل میں لا کر تحقیقات شروع کی گئی /اے ڈی جی پی
پلوامہ کے ہال گاوں میں مبینہ حادثاتی طور پر گولی چلنے سے ایک مقامی نوجوان از جان ہوا ہے۔ اے ڈی جی پی کے مطابق اس ضمن میں کیس درج کرکے پولیس اہلکار کو حراست میں لیا گیا۔ اطلاعات کے مطابق پولیس کا کہنا ہے کہ پلوامہ کے ہال گاوں میں پولیس اہلکار کی سروس رائفل سے حادثاتی طورپر گولی چلنے کے نتیجے میں ایک شہری زخمی ہوا ۔ انہوں نے بتایا کہ آس پاس موجود اہلکاروں نے زخمی نوجوان کو نزدیکی ہسپتال منتقل کیا جہاں ابتدائی مرہم پٹی کے بعد اُس کو صدر ہسپتال ریفر کیا گیا تاہم وہاں پر موجود ڈاکٹروں نے اُسے مردہ قرار دیا۔ اے ڈی جی پی وجے کمار نے متوفی کی شنخت محمد آصف پڈرو ولد محمد ایوب ساکن پوٹر وال شوپیاں کے بطور کی۔ انہوں نے بتایا کہ معاملے کی نسبت کیس درج کرکے پولیس اہلکار کو بھی حراسات میں لیا گیا۔