تعلیمی اداروں میں باصلاحیت اور صنعتوں کی ضروریات کو پورا کرنے والے طلبہ کو کیا جائے تیار‘ وزیر خزانہ نرملا سیتا رمنوزیر خزانہ نرملا سیتا رمن

مرکزی خزانہ اور کارپوریٹ امور کی وزیر نرملا سیتا رمن (Nirmala Sitharaman) نےکہ ہندوستان کے عوام کو یہ سمجھنے کی ضرورت ہے کہ آج کے جدید دور میں صنعت کو کس چیز کی ضرورت ہے۔ انھوں نے کہا کہ ملک کے ترقیاتی اہداف کو پورا کرنے کے لئے تعلیمی اداروں میں صلاحیت مند اور صنعت میں آنے کے قابل طلبہ پیدا کرنے کی ضرورت ہے۔ سیتارامن نے ایک تقریب میں کہا کہ عالمی یونیورسٹیوں کے مقابلے ہندوستان کی اعلیٰ تعلیم کوئی کم نہیں ہے اور ہندوستانی یونیورسٹیوں میں تعلیم حاصل کرنے والے طلبہ دنیا بھر کی بہترین کمپنیوں میں اپنا کردار ادا کررہے ہیں۔
وزیر خزانہ نرملا سیتا رمن نے کہا کہ جب سپلائی چین میں خلل پڑتا ہے تو ہماری مینوفیکچرنگ متاثر ہوتی ہے۔ ہمیں اب اس بات کو یقینی بنانا ہے کہ نئی اور جدید ترین صنعتوں میں صلاحیت مند افراد کے انتخاب کے لیے یونیورسٹی میں بہترین طلبہ کو تیار کرنا ضروری ہے۔ یہ طلبہ ملک اور دنیا کے لیے اشیا و خدمات کو تیار کرنے کے قابل ہوں اور یہی وجہ ہے کہ صنعت کے رہنما ایسے شاندار تعلیمی اداروں کے بورڈز کی سربراہی کرتے ہیں۔
انھوں نے کہا کہ ہمیں ایسے طلبہ تیار کرنے کی ضرورت ہے جو صنعت میں آنے کے قابل ہو اور ہندوستان کے ترقیاتی اہداف کو پورا کرتے ہیں۔ مجھے لگتا ہے کہ یہ ہم آہنگی اب زیادہ تر اداروں نے حاصل کی ہے کیونکہ حکومت ان سے رابطہ میں ہے اور وہ حکومت کو ان پٹ دیتے ہیں اور اس کے نتیجے میں آپ (طلبہ) ایسے ادارے حاصل کرنے کے قابل ہوتے ہیں جو بالکل اہم ہیں۔