یوم اساتذہ کے حوالے سے دنیا بھر کے ساتھ ساتھ وادی میں بھی تقریبات کا اہتمام
بچوںنے اپنے اپنے ٹیچروںکو تحائف و انعامات سے نوازا
سرینگر/05ستمبر///یوم اساتذہ ”ٹیچرس ڈے“کے حوالے سے وادی میں تقریبات کا اہتمام کیا گیا جس دوران بچوں نے اپنے فارم ٹیچروں و نجی ٹیوشن ٹیچروں کو مختلف تحائف سے نوازا ۔ اس دوران اس دن کے حوالے سے مختلف تعلیمی اداروں میں آج تقریبات کا اہتمام کیا گیا ۔ ادھر لیفٹیننٹ گورنر منوج سنہا نے ٹیچرس ڈے کے موقعے پر اساتذہ کو مبارکباد پیش کرتے ہوئے ٹویٹ میں کہا کہ اساتذہ پر بھاری ذمہ داری بنتی ہے کیوں کہ جو درس بچوں کو اساتذہ کے ذریعے فراہم کئے جاتے ہیں ان کی زندگی اسی طرز پر آگے بڑھتی ہے ۔ انہوں نے کہا کہ جموں کشمیر میں طلبہ کے بہتر مستقبل کےلئے اساتذہ کو دوگنی محنت کرنی ہے ۔سی این آئی کے مطابق عالمی یوم اساتذہ کے حوالے سے جہاں دن بھر وادی میں آج تقریبات کا انعقاد کیا گیا اور تعلیمی اداروں میں بچوں نے رنگا رنگ پروگرام پیش کئے ۔ جبکہ مقررین نے اساتذہ کی تعزیم اور اہمیت سے بچوں کو آگاہ کیا گیا۔ اس دوران سکولی بچوں نے اپنے اپنے فارم ٹیچروں کو تحائف سے نوازا ۔ عالمی یوم اساتذہ کی مناسبت سے دنیا بھر کے تعلیمی اداروں میں 05ستمبر کو تقریبات کا انعقاد کیاجاتا ہے جس کا مقصد طلبہ کے ساتھ ساتھ عام لوگوں میں اساتذہ کے تئیں تعزیم و اکرام کو اُجاگر کرنا ہے اور انہیں جانکاری فراہم کرنا ہے ۔ تاہم وادی میں جہاں تعلیمی شعبہ اب کاروباری ادارے میں تبدیل ہوگیا ہے وہیں پر ٹیچرس ڈے کو بھی کاروبار بنایا گیا ہے اور اس دن بچے اپنے ٹیچروں کو قیمتی تحائف لینے پر مجبور کرتے ہیں ۔ اس ضمن میں عوامی حلقوں نے سخت برہمی کا اظہار کرتے ہوئے کہا ہے کہ اس دن کو ایک مقدس دن کے طور پر مانا جانا چاہئے تھا جس دن اساتذہ اپنے طلبہ کو استاد اور تعلیم کی اہمیت سے متعلق جانکاری فراہم کرتے لیکن انہوں نے اس دن کو بھی تجارت کی عینک سے دیکھ کر کاروبار بناڈالا ۔ ادھر لیفٹیننٹ گورنر منوج سنہا نے ٹیچرس ڈے کے موقعے پر اساتذہ کو مبارکباد پیش کرتے ہوئے ٹویٹ میں کہا کہ اساتذہ پر بھاری ذمہ داری بنتی ہے کیوں کہ جو درس بچوں کو اساتذہ کے ذریعے فراہم کئے جاتے ہیں ان کی زندگی اسی طرز پر آگے بڑھتی ہے ۔