حادثے میں اب تک آئی ٹی بی پی کے 8اہلکار ہلاک ہوئے
چندن واڑی پہلگام میں سڑک کے ایک حادثے میں زخمی ہونے والا ایک اور آئی ٹی بی پی اہلکار ہسپتال میں زخموں کی تاب نہ لاکر منگل کے روز دم توڑ بیٹھا ۔ اس طرح سے اس حادثے میں مرنے والے اہلکاروں کی تعداد 8تک پہنچ گئی ہے ۔ اطلاعات کے مطابق جنوبی کشمیر کے اننت ناگ میں پہلگام کے چندن واڑی علاقے میں سڑک حادثے کے دوران زخمی ہونے والا ایک اورآئی ٹی بی پی اہلکار منگل کو سکمز سورا میں زخموں کی تاب نہ لاتے ہوئے چل بسا، اس طرح سے اس حادثے میں مرنے والوں کی تعداد آٹھ ہو گئی۔ذرائع نے بتایا کہ آئی ٹی بی پی کا ایک جوان جس کی شناخت نندن سنگھ ولد لال سنگھ کے طور پر ہوئی ہے، 16 اگست کو پہلگام حادثے میں زخمی ہوا تھا اور اس کاسکمز صورہ میں علاج چل رہا تھا۔انہوں نے بتایا کہ زخمی جوان آج ہسپتال میں علاج کے دوران زخموں کی تاب نہ لاتے ہوئے چل بسا۔قابل ذکر بات یہ ہے کہ 16 اگست کو پہلگام کے چندن واڑی علاقے کے قریب ایک بس کھائی میں گرنے سے آئی ٹی بی پی کے6اہلکار موقعے پر ہی ہلاک ہوئے تھے جبکہ ایک اور سپاہی ہسپتال میں دم توڑ بیٹھا تھا اور اس طرح سے اس حادثے میں سات اہلکار ہلاک ہوئے تھے جبکہ 32دیگر زخمی تھے ۔ اب ایک اور ہلکار ہلاک ہوا ہے جو ہسپتال میں زیر علاج تھا اور اس طرح سے اس حادثے میں مرنے والوں کی تعداد 8ہوگئی ہے ۔ یہاں یہ بات قابل ذکر ہے کہ اس حادثے میں زخمی ہونے والے اہلکاروں کی عیادت کےلئے جموں کشمیر کے لیفٹیننٹ گورنر منوج سنہا ہسپتال گئے تھے جبکہ گزشتہ روز مرکزی وزیر داخلہ امت شاہ بھی اُن زخمیوں سے ملے جو دلی کے ایک ہسپتال میں زیر علاج ہیں۔