جموںوکشمیر حکومت کشمیر کی کرکٹ بیٹ کی صنعت کو فروغ دینے کے لئے کوشاں ہے تاکہ کشمیر کے کرکٹ بیٹ کو عالمی معیار کی مصنوعات بن سکے۔کرکٹ بیٹ اِنڈسٹریل زون کے یونٹ ہولڈروں کو جدید ترین اِنفراسٹرکچر فراہم کرنے کے لئے کامن فیسلٹی سینٹر ( سی ایف سی ) سیتھار کی تزئین و آرائش اور اَپ گریڈ کیا گیا۔کامن فیسلٹی سینٹر ( سی ایف سی ) سیتھار کو 4.61 کروڑ روپے کی تخمینہ لاگت سے تعمیر کیا گیا تھا جس میں پی پی ڈی سی میرٹھ نے 2.46 کروڑ روپے کی لاگت سے پلانٹ اور مشینری نصب کی تھی ۔ اِس کامن فیسلٹی سینٹر ( سی ایف سی ) کا مقصد وِ لوکلیفٹس کی سہولیت فراہم کرنا اور کرکٹ بیٹ یونٹ ہولڈروں کو تمام سہولیات فراہم کرنا ہے ۔اِس سے یونٹ ہولڈروں کو عالمی معیار کے کرکٹ بیٹس کی تیاری میں جدید تکنیک اِستعما ل کرنے میں مدد ملے گی۔جنوبی کشمیر میں سات دیہات بشمول بیج بہاڑہ ، چارسو، حلم اللہ ، سنگم ، پوجٹینگ ، مرزا پور اور سیتھار ہیں جہاں کرکٹ کے بلے بنائے جاتے ہیںجو سینکڑوں دیہاتیوں کو روزی روٹی فراہم کرتے ہیں ۔ اننت ناگ میں سیتھار سنگم کو کرکٹ بیٹ کی تیار ی کے لئے ایک صنعتی کلسٹر کے طور پر نوٹیفائی کیا گیا ہے۔دریں اثنا¿ ، حکومت نے اننت ناگ اور پلوامہ کے بیٹ مینو فیکچرنگ یونٹ کے مالکان کو بھی رجسٹریشن سر ٹیفکیٹ دیا ہے جس سے وہ صنعت کو مضبوط بنانے کے مقصد سے حکومت سے تمام فوائد حاصل کرسکیں گے ۔یہ بات قابل ذِکر ہے کہ کشمیر کی کرکٹ بیٹ مینو فیکچرنگ اور لکڑی پر مبنی دیگر صنعت کو بحال کرنے کے لئے مرکزی وزارت درمیانے ، چھوٹے اور مائیکرو اَنٹرپرائزز کے اَفسران کی ایک ٹیم نے بھی مدد فراہم کرنے کے لئے وادی کا دورہ کیا تھا۔میرٹھ میں واقع پروسس کم پروڈِکٹ ڈیولپمنٹ سینٹر ( پی پی ڈی سی ) کے اَفسران کی ایک ٹیم نے بھی وادی کا دورہ کیا تاکہ لکڑی پر مبنی صنعت میں ایم ایس ایم ای سے ہولڈنگ کے طریقوں کو تلاش کیا جاسکے ۔ٹیم نے اننت ناگ ضلع کے سنگم علاقے میں سیتھار گاﺅں میں کرکٹ بیٹ کلسٹر کا دورہ کیا تاکہ اِس بات کا جائزہ لیا جاسکے کہ وہاں کی بلے کی صنعت کو کیسے بحال کیا جاسکتا ہے ۔ اِس کلسٹر کو پہلے مرکزی وزارتِ ایم ایس ایم اِی نے فنڈ فراہم کیا تھا اور اب وہ اس کلسٹرکو تحریک فراہم کرنے کے لئے کوشاں ہے۔کشمیر وِلو دُنیا بھر میں اَپنے معیار کی وجہ سے مشہور ہیں اور کرکٹروں کی طرف سے ان کی بہت توجہ حاصل ہوئی ہے ۔ ایکسپورٹ امپورٹ بینک آف اِندیا( اِی ایکس آئی ایم بینک) سے کئے گئے ” اِنڈین سپورٹس گڈس اِنڈسٹری : سٹریٹچیز فارٹیپنگ دی ایکسپورٹ پوٹینشل “ کے عنوان سے کھیلوں کے سامان پر کی گئی ایک تحقیق میں کہا گیا ہے کہ کشمیر ولو بیٹ ایسی ہی ایک پروڈکٹ ہے، جس کی اہمیت ہے کیونکہ یہ دنیا کی بہترین کوالٹی کی لکڑی (ولو) سے تیار کی گئی ہے۔ حکومت بیداری پیدا کر رہی ہے اور بیٹ بنانے والوں میں فیلڈ اَفسران کے ذریعے جی آئی ٹیگنگ کے حوالے سے ہینڈ ہولڈنگ فراہم کر رہی ہے ۔ ڈائریکٹوریٹ آف اِنڈسٹریز اینڈ کامرس نے لوگواور جی آئی ٹیگنگ دینے کا معاملہ ڈائریکٹر کرافٹ ڈیولپمنٹ اِنسٹی چیوٹ ( سی ڈی آئی ) سری نگر کے اُٹھایا ہے