بارہمولہ میں طلبہ بھارت درشن ٹور کے لیے روانہ

بارہمولہ میں طلبہ کو بھارت درشن ٹور کے لیے روانہ طلباءکی صلاحیت کو بڑھانے اور ثقافتی تبادلے کو فروغ دینے کے لئے، سوک ایکشن پروگرام کے تحت ضلع پولیس بارہمولہ کے زیر اہتمام 75 طلباءپر مشتمل بھارت درشن ٹور پروگرام کے ایک گروپ کو ڈی سی بارہمولہ ڈاکٹر سحرش اصغر نے (ائی اے ایس ) کے ساتھ ایس ایس پی بارہمولہ شری رئیس محمد بٹ(آئی پی ایس) اور ایس ایس پی سوپور شری شبیر نواب-جے کے پی ایس ڈی پی ایل بارہمولہ سے ہری جھنڈی دکھا کر روانہ کیا۔ دورہ پر جانے والے طلباءکے ساتھ بات چیت کرتے ہوئے ایس ایس پی بارہمولہ نے کہا کہ بھارت درشن ٹور کا بنیادی مقصد ضلع کے نوجوانوں کو ہندوستان کے اتحاد کو سمجھنے کا موقع فراہم کرنا ہے۔ انہوں نے یہ بھی کہا کہ جموں و کشمیر پولیس کی یہ کوشش ہے کہ ہمارے نوجوانوں کو ملک کے دلچسپ سیاحتی ، تاریخی مقامات اور دیگر مشہور جگہوں سے روشناس کرایا جائے جس سے وہ ہمارے ملک کے فن و ثقافت سے بھرپور واقف ہوں گے۔ انہوں نے اس طرح کے پروگرام کے انعقاد کی اہمیت پر بھی زور دیا اور کہا کہ اس دورے سے نوجوانوں کو ملک کے بارے میں بہتر تفہیم پیدا کرنے میں مدد ملے گی اور انہیں ایک ذمہ دار شہری بننے میں مدد ملے گی۔ اس موقع پر ڈی سی بارہمولہ اور ایس ایس پی سوپور نے بھی ان کے لیے خوشگوار اور محفوظ سفر کی خواہش کی اور انہیں مشورہ دیا کہ وہ ان تاریخی مقامات اور ہندوستان کے دیگر جدید عجائبات کا دورہ کرکے اپنے علم میں اضافہ کرنے کے لیے اس دورے کا بھرپور فائدہ اٹھائیں۔ یہ دورہ 05 دن کا ہوگا، دورے کے دوران طلباءدہلی اور چنئی کے تاریخی مقامات کا دورہ کریں گے۔