ضلع سرینگر میں ماسک کا استعمال اور ایس او پیز پر عمل کرنا لازمی قرار

وادی کشمیر میں کوروناوائرس کے مثبت معاملات میں اضافہ کو دیکھنے کو لوگوں کی حفاظت کے پیش نظر انتظامیہ نے سرینگر میں چہرے پر ماسک کے استعمال کو لازمی قراردیا ہے ۔ اس ضمن میں ضلع کمشنر محمد اعجاز اسد جو کہ چیرمین دسٹرکٹ ڈیزاسٹر منیجمنٹ بھی ہیں نے آج اس سلسلے میں ایک حکمنامہ سیکشن 34ڈیزاسٹر منیجمنٹ کے تحت جاری کیا ہے جس میں عوامی جگہوں پر چہرے پر ماسک کا لگانا لازمی قراردیا گیا ۔ اس دوران حکمنامے میں مزید بتایا گیا ہے کہ تمام ڈسٹرکٹ سیکٹوریل دفاتر میں بھی ملازمین کےلئے بھی فیس ماسک کا استعمال یقینی بنایا جانا چاہئے ۔ اس حکمنامے میںمزید کہا گیا ہے کہ وزارت صحت و خاندانی بہبود کی جانب سے وباءکو روکنے کےلئے مزید کئی طرح کے اقدامات اُٹھانے کی ہدایت جاری کی گئی ہے جس میں ماسک کا استعمال، سماجی دوری برقراررکھنا ، ہاتھوں کو سینی ٹائزر سے صاف کرنا وغیرہ شامل ہیں۔ اس دوران مزید کہا گیا کہ ضلع میں کووڈ کے بڑھتے معاملات کو روکنے کےلئے تمام احتیاطی تدابیر کو سختی سے لاگو کیا جائے گا ۔ دریں اثناءضلع کمشنر نے ضلع سرینگر کے لوگوں سے اپیل کی ہے کہ وہ ماسک کا استعمال کرنے کے ساتھ ساتھ تمام دیگر قواعد کی باضابطہ پابندی کو یقینی بنائیں۔