توسہ میدان بڈگام میں زندہ شل بر آمد

ضلع بڈگام کے توسہ میدان علاقے میں ماٹر شل ملنے کے بعد اس کو بعد میںناکارہ بنایا گیا ۔ ندا نیوز نیٹ ورک کے مطابق بڈگام کے شنگلی پورہ، کھاگ کے رہائشیوں نے بتایا کہ کھاگ اور اس کے ملحقہ علاقوں کے باشندے مویشی چرانے کیلئے اکثر و بیشتر توسہ میدان لے جاتے ہیں۔ انہوں نے بتایا کہ کچھ چرواہوں نے علاقے میں ایک ماٹر شل دیکھا اور بنا کسی چھیڑ چھڑ کے اسکی اطلاع پولیس اسٹیشن کھاگ کو دی۔پولیس ذرائع نے واقعے کی تصدیق کرتے ہوئے کہا کہ جوں ہی لوگوں کی جانب سے توسہ میدان میں ماٹر شل کی اطلاع موصول ہوئی تو انہوں نے فوری طور بم ڈسپوزل اسکواڈ کو موقع پر روانہ کر کے تمام لازمی پروٹوکول کے تحت شل کو تباہ کر دیا۔پولیس کے ایک سنیئر آفیسر نے اس کی تصدیق کرتے ہوئے بتایا کہ کچھ لوگوں نے میدان میں شل دیکھی جس کے بعد انہوں نے پولیس کو مطلع کیا اور بعد میں شل کو ناکارہ بنایا گیا ہے ۔ انہوںنے بتایا کہ شل ناکارہ بنانے کے دوران کسی جانی یا مالی نقصان کی کوئی اطلاع موصول نہیںہوئی ہے ۔ پولیس کا کہنا ہے کہ شل کو تباہ کرنے کے دوران کوئی خوشگوار واقعہ پیش نہیں آیا۔قابل ذکر ہے کہ توسہ میدان علاقہ کو دہائیوں تک فوج کی جانب سے ملٹری فائرینگ رینج کے طور پر استعمال کیا جاتا رہا، علاقے میں اکثر و بیشتر پھٹنے سے رہ گئے ماٹر شل برآمد کیے جاتے ہیں ۔