8رہائشی مکانات خاکستر، 24کنبے آشیانے سے محروم ، 10فائرسروس اہلکار زخمی
سرینگر/14مارچ//بٹہ مالو سرینگر میںآگ کی ایک بھیانک اوردات میں رونماءہوئی جس میں قریب 8رہائشی مکانات جل کر خاکستر ہوئے ہیں جن میں رہائش پذیر 24کنبے اپنے آشیانوں نے محروم ہوئے ہیں۔اس بھیانک آگ پر قابو پانے کی کوشش میں 10فائر سروس اہلکاروں سمیت 15افراد زخمی ہوئے ہیں جبکہ کروڑوں روپے کی املاک جل کر خاکستر ہوئی ہے ۔اطلاعات کے مطابق شہر سرینگر کے بٹہ مالو علاقے میں گزشتہ رات 13مارچ کو بھیانک آگ کی واردات رونماءہوئی جس میں متعدد رہائشی مکانات کے ساتھ ساتھ کروڑوں کی املاک جل کر خاکستر ہوئیں۔
اس ضمن میں ذرائع سے معلوم ہوا ہے کہ رات کو لگنے والی تباہ کن آگ میں کم از کم آٹھ مکانات جل کر خاکستر ہو گئے۔اس سلسلے میں حکام نے بتایا کہ ان گھروں میں مجموعی طور پر 24 خاندان مقیم تھے جبکہ آگ بجھانے کی کارروائی کے دوران کم از کم 10 فائر مین زخمی ہوئے۔بھیانک آگ پر قابو پانے کےلئے مقامی لوگوں نے فائر اینڈ ایمرجنسی عملہ کی مدد کی اور آگ پر جلد پانے کی کوشش کی گئی تاکہ آگ مزید نہ پھیل سکے ۔ اس دوران حکام کے مطابق کچھ فائر فائٹرز کو مقامی لوگوں نے مارا پیٹا بھی کیونکہ انہوں نے ان سے اپنے اپنے گھروں میں ترجیحی بنیادوں پر آگ بجھانے کا مطالبہ کیا۔ زخمی اہلکاروں میں تین شدید زخمی ہوئے ہیں جن کی شناخت محمد احسن ملہ، الطاف احمد راتھر اور اکشے سہگل کے طور پر ہوئی ہے۔فائر اینڈ ایمرجنسی ڈیپارٹمنٹ کے ایک اہلکار نے بتایا کہ کل دیر رات آگ لگنے کی اطلاع ملتے ہی فائر ٹینڈروں کو وہاں پہنچایا گیا۔ شیخ حمزہ کالونی بٹہ مالومیںلگی آگ سے قریب 8رہائشی مکانات راکھ بن گئے ۔ انہوںنے بتایا کہ ہم نے آگ پر قابو پانے اور اسے دوسرے ڈھانچے تک پھیلنے سے روکنے کی پوری کوشش کی کیونکہ علاقہ کافی گنجان ہے ۔انہوںنے مزید کہا کہ آگ سے تباہ ہونے والے زیادہ تر مکانات تین منزلہ تھے اور مجموعی طور پر 24. ان میں رہنے والے خاندان متاثر ہوئے۔ آگ لگنے کی وجہ فوری طور پر معلوم نہیں ہو سکی۔اس سلسلے میں پولیس نے رپورٹ درج کرکے آگ کی وجوہات کا پتہ لگانے کےلئے چھان بین شروع کی ۔
