ہلاکت خیز کورونا وائرس کے مزید 2503 نئے معاملے رپورٹ

ملک میں ہلاکتوں کی مجموعی تعداد 5لاکھ 15ہزار سے متجاوز
نئی دہلی: ۴۱ مارچ (یو این آئی) ملک میں گزشتہ 24 گھنٹوں کے دوران ہلاکت خیز کورونا وائرس کے مزید 2503 نئے کیسز رپورٹ ہوئے ہیں۔ اتوار کو ملک میں 4,61,318 افراد کو کورونا ویکسین لگائی گئی اور اب تک 1,79,91,57,486افراد کو ویکسین لگائی جا چکی ہے ۔مرکزی وزارت صحت اور خاندانی بہبود کی طرف سے پیر کو جاری کردہ اعداد و شمار کے مطابق ملک میں گزشتہ 24 گھنٹوں میں ہلاکت خیز کورونا وائرس کے 2503 نئے کیسز درج کیے گئے ہیں۔ اس کے ساتھ ہی 4377 افراد صحت یاب ہو ئے جس سے کورونا کو شکست دینے والوں کی تعداد 4,24,41,449 ہو گئی۔ اس دوران ملک میں اس جان لیوا وائرس سے 27 افراد کی موت کے ساتھ اس مہلک وبا سے جان گنوانے والوں کی تعداد بڑھ کر 5,15,877 ہو چکی ہے ۔ اس وقت ملک میں کورونا کے 36,168 ایکٹیو کیسز ہیں۔ ملک میں کووڈ-19 کے فعال کیسز کی شرح 0.08 فیصد، صحت یابی کی شرح 98.72 فیصد اور اموات کی شرح 1.20 فیصد ہے ۔کیرالہ میں گزشتہ 24 گھنٹوں میں کورونا وائرس کے ایکٹیو کیسز کی تعداد 684 سے گھٹ کر 9666 رہ گئی ہے ۔ اس کے ساتھ ہی 1554 افراد کے صحت یاب ہونے کے بعد اس جان لیواوبا سے شفایاب ہونے والوں کی تعداد 6444624 جب کہ مرنے والوں کی تعداد 66802 ہو گئی ہے ۔ ریاست مہاراشٹر میں کورونا وائرس کے ایکٹیو کیسز 197 سے گھٹ کر 6528 رہ گئے ہیں۔ اس دوران ریاست میں 448 افراد کے صحت یاب ہونے کے بعد اس وبا کو شکست دینے والوں کی تعداد بڑھ کر 7720922 جبکہ ریاست میں مرنے والوں کی تعداد 1,43,752 پر مستحکم ہے ۔ کرناٹک میں کورونا کے فعال کیسز کی تعداد 34 سے بڑھ کر 2695 ہوگئی ہے ۔ اس دوران 130 مریضوں کے صحت یاب ہونے سے اس وبا سے نجات پانے والوں کی مجموعی تعداد 3901093 اور ریاست میں دو اور مریضوں کی موت سے مرنے والوں کی تعداد بڑھ کر 40,018 ہو گئی ہے ۔ ریاست تمل ناڈو میں اسی عرصے کے دوران کورونا کے ایکٹیو کیسز 128 سے گھٹ کر 1173 رہ گئے ہیں، جب کہ 223 افراد کے صحت یاب ہونے کے بعد اس وبا سے شفا یاب ہونے والوں کی کل تعداد 3412714 اور مرنے والوں کی تعداد 38,023 ہے ۔ شمال مشرقی ریاست میزورم میں ایکٹیو کیسز کی تعداد 132 سے گھٹ کر 3220 رہ گئی اور کورونا سے شفایاب مریضوں کی کل تعداد 217083 جب کہ مرنے والوں کی تعداد 671 پر مستحکم ہے ۔