مہاراشٹر سی ایم شندے نے جموں و کشمیر کے ایل جی سے ملاقات کی

سری نگر/ مہاراشٹر کے وزیر اعلیٰ ایکناتھ شندے نے اتوار کو جموں و کشمیر کے لیفٹیننٹ گورنر منوج سنہا سے ملاقات کی اور ان سے مہاراشٹر بھون‘ قائم کرنے کے لیے سری نگر میں زمین فراہم کرنے پر زور دیا۔میٹنگ کے بعد شندے نے کہا، "میں نے آج سری نگر میں جموں و کشمیر کے ایل جی منوج سنہا کے ساتھ ایک خیرسگالی ملاقات کی۔ جموں و کشمیر میں بہت زیادہ ترقی اور تبدیلی آئی ہے۔ اس کے ساتھ ہی یو ٹی آنے والے سیاحوں کی تعداد میں بھی اضافہ ہو رہا ہے۔ میں نے درخواست کی ہےکہ ایل جی ہمیں ریاست سے آنے والے سیاحوں کے لیے جموں و کشمیر میں مہاراشٹر سدن کی تعمیر میں سہولت فراہم کریں۔ گورنر کو لکھے گئے خط میں وزیر اعلیٰ جناب شندے نے ذکر کیا کہ سیاحت کی اہمیت کو دیکھتے ہوئے دونوں ریاستوں کو فائدہ ہوگا اگر مہاراشٹر بھون کو ثقافتی تبادلے کو بڑھانے اور متبادل طور پر اقتصادی ترقی کے لیے جگہ مل جائے۔ سری نگر میں یہ’مہاراشٹرا بھون‘ نہ صرف سیاحوں کو رہائش کی سہولیات فراہم کرے گا بلکہ مہاراشٹر کے بھرپور فن، خوراک اور ثقافت کی جھلک بھی فراہم کرے گا۔ اس مہاراشٹر بھون کو جموں و کشمیر کے ساتھ تعلقات کو مضبوط بنانے کے لیے طلباء، کاروباری افراد، سینئر افسران کے لیے ایک بڑے مرکز کے طور پر استعمال کیا جا سکتا ہے، وزیر اعلیٰ جناب شندے نے اس خط میں کہا ہے۔شنڈے جموں و کشمیر کے تین روزہ دورے پر ہیں۔ ان کے ساتھ ان کے بیٹے اور ایم پی شریکانت شندے بھی ہیں۔