ڈسٹرکٹ پولیس لائنز بارہمولہ میں افطار پارٹی کا اہتمام

سرینگر16 اپریل// جموں و کشمیر پولیس ہیڈ کوارٹر کے زیراہتمام بارہمولہ پولیس نے ڈی پی ایل بارہمولہ میں ایک افطار پارٹی کا اہتمام کیا جس میں ضلع بارہمولہ کے مختلف شعبہ ہائے زندگی سے تعلق رکھنے والے لوگوں نے شرکت کی۔اس افطار پارٹی کے دوران مختلف شعبہ ہائے زندگی سے تعلق رکھنے والے لوگون سے علاقے میں فرقہ وارانہ ہم آہنگی، بھائی چارے، امن و آشتی کا پیغام دینے کے مقصد سے پولیس افسران اور عام لوگوں کے درمیان بات چیت ہوئی۔عام لوگوں نے بارہمولہ پولیس کی اس طرح کی تقریب کے انعقاد پر بہت سراہا اور رمضان کے مقدس مہینے میں ایسا موقع فراہم کرنے پر ان کا شکریہ ادا کیا اور تمام برادریوں کو ایک دوسرے کے ساتھ بات چیت کرنے کے لیے ایسا پلیٹ فارم دینے کے لیے ان کا شکریہ بھی ادا کیا۔ افطار پارٹی میں آرمی/ CAPF/ عدلیہ اور سول ایڈمنسٹریشن کے افسران، ریٹائرڈ پولیس افسران، ممتاز شہری، مذہبی مبلغین، سیاسی قائدین، میڈیا برادری اور دیگر افسران نے شرکت کی۔