ریلوے اسٹیشن جموں کے قریب ٹی آر ایف کے سرگرم جنگجو کر گرفتار کر لیا گیا / پولیس کا دعویٰ

پولیس نے جموں ریلوے اسٹیشن کے قریب سے ٹی آر ایف سے تعلق رکھنے والے عسکریت پسند کو گرفتار کرنے کا دعویٰ کیا ہے ۔ پولیس ذرائع سے معلوم ہوا ہے کہ ایک مصدقہ اطلاع ملنے کے بعد جموں ریلوے اسٹیشن کے قریب چیکنگ کے دوران اسکوٹی پر سوار ایک شخص ناکہ پوائنٹ سے تقریباً 60میٹر دور ایک تکیہ کو پھینک کر فرار ہوگیا جبکہ اس کے پاس ایک نیلے اور سیاہ رنگ بیگ بھی تھا۔ مشکوک شخص کا پولیس نے پیچھا کیا اور اسے گرفتار کرلیا گیا۔ابتدائی پوچھ گچھ پر اس نے اپنی شناخت یوسف شیخ کے طور پر کی جوکہ گداپورہ، شوپیان کا رہنے والا ہے۔ تلاشی کے دوران اس کے پاس سے کارتوس سے بھری ایک پستول برآمد ہوئی۔ ایس او جی جموں کے افسران نے موقع پر ہی اس سے پوچھ گچھ کی تو اس نے انکشاف کیا کہ وہ ٹی آر ایف کا ایک سرگرم عسکریت پسند ہے اور مخصوص کام کیلئے جموں آیا تھا۔گرفتار عسکریت پسند سے پوچھ گچھ جاری ہے اور اس کے دو ساتھیوں کو پکڑنے کے لیے تلاش شروع کی گئی ہے جنہوں نے اسے جاسوسی کے لیے مدد فراہم کی۔اس سلسلے میں ایف آئی آر متعلقہ دفعات کے تحت رجسٹرڈ کر لی گئی ہے اور مزید تحقیقات جاری ہے۔